هنا

[فقار الكرخي]

حزني المذبل امتوني،،
حزني ظحكاتك ابدوني
حزني شباچ ،، وطريج المايجيبك عله عيوني

حزني اغانينه التريدك ،،
حزني مافاگد بريدك ،،
حزني نسمات الهوه الحاسبهه ٱيدك

حزني مشطي الضايج من اچفوف شيبي،،
حزني الاسوار الشريته وماطلع من باب جيبي
حزني دنيا بلون وجهك چنت اصيحلهه حبيبي

حزني مغرب وانته صوره ،، ابين اديه
حزني من اذكر عشرتك
غيرك يگلي خطيه

حزني غير لون ردني.. ولونهن ثابت اخدودك
حزني چلمات القصائد كلهه مكتوبه اعلمودك
حزني ذني الما يروحن وانته رايح.. مااشوفك
حزني كل اصبع تركته ايخوزر ابظلمة ازلوفك

حزني قمصاني القديمه الچنت جايبهه عله رايك
حزني گاعي الما تسولف ٱله اذا سيرلي مايك
حزني عطرك مدري نايك ،،
حزني الهفه البعدهه من اقره كاتبلي برساله
ٱنه جايك

حزني ذني






حيـدر العماري

[زفير]

واااااااخ
يا حزني الترس صوبين دجلة
وبدة ماية
..............
رائع جداً فقار ... تحايا قلبية

[سمراء من قوم عيسى]

انتقاء رائع

[Haidar Iraq]

[حہيہدر الہبغہداديہ]

شكرا لمجهودك الراقي
،، تحياتي واحترامي