هنا

[فقار الكرخي]

طحت من جنطة سفركم وطن تايه
تهت من ليل الخذاكم حلم ذايه

لحت من دخانكم وجه الضباب
بعين مسلولة نظر
والظنون التجزي گبل الشوف حيطان السراب
تستلذ بيها الصور

وانا دوم اشتل صوركم وأجني دمعه
وصوتكم مو يمي بس بروحي اسمعه
الظلمه تلچمني واطيح بصفها شمعه

وكل شي ما يشبهكم يكمّل لهفتي
ءمن الدروب المامشيتوها المكم ذكرى وارجع
وانچفي وياها بغرفتي

وانسد إباب الحچي المابي ذكركم
وانتو شيشة عطر صارت من نصيب المايشمكم
يا بعيدين وعذركم مو وياكم
وين اصادفكم ذنب يغفر عذركم

وين اوّگف ريتي وتمروها نسمه
الصدفه موعد مامحدد
نيّة الطافين نجمه

يا نجم ذيچ الليالي البيها چنت ادريبك اشگد
بالك بسوگ الغفه يعرضوك مرود
العالي من ايطيح ع المو عالي ينعد
والنهر من دون جرفه منين ما ينحاف ينهد






إيما صباح

[سمراء من قوم عيسى]

الله عليك
عاشت ايدك يالغالي

[انثى مخمليةة]

رووووووووعه

[حہيہدر الہبغہداديہ]

واصلوا اتحافنا بكل جديد ومفيد
وألأمثل لمنتدانا الغاليٌ