شبيه تعودت وي الصدك دوم
واسمح للخلگ بجروحي تشفه
والاگيهم حضن بالشوگ دفيان
ومااقبل تجيس احبابي رجفه
ورد مثل الشراع الكاسره الريح
وسفه تگودني وتدفعني وسفه
وعاتب روحي المن ضايع بناس
طيبهم يگول جروحي صدفة
والومن گلبي چي ماشافهم زين
چي شاف الاخطاء وياه عفه
چي راسي ع همهم باقي محتار
والشيب الثخين انتجه بزلفه
واگول المن مطر خليت بالروح
وخليت الصحاري بصدري تدفه
وانا المن عمر خليته للناس
وبس اختلي بروحي عيوني تطفه
بذمتمن الليل اليگطع الحيل
والدمع النزل ياهو الينشفه
اجبر وحدة ويفزن چثيرات
النهر يطشر من يضيع جرفه
جبتها اشتم تراب ادروب الحباب
وگول افيش ياعطري الاعرفه
واصحه والگه ضحكات اليمرون
عليه ويسرج الملجوم نزفه
لاضايگ فرح مثل اليضحكون
ولا مثل اليذب خلگه ع دفه
ولاوازيت واحد رايد يطير
ولالي بصيحة الغربان عرفه
حتى بعثرتي اسم الله من التراب
تفزلي ومالگيت اليمد جفه
حسرة ع الجرح لو راد يشفه
وحسرة ع الجفن لو راد يغفه
وحسرة ع اليغني جروحه بالليل
انسينت ومالي وي الوكت وسفه
وسلمت الاماني لحسبة البال
وهي جروح وي الوكت تشفه
ازهر كريم
رد مع اقتباس
