الجزء الثامن من قصتي...همسات التوبة
عرفتوا والدة وسام توفت وحاليا حال وسام مؤلم جدا ...خلي انتابع احداثه
ظل عادل يدور بكل مكان بالبيت وما لكاه ....
يا رب شسوي هسة اخابر علياء .....
هو يحجي ويمشي لحد ما وصل لغرفة ام وسام دخل عليها لكه وسام نايم على المخدة ويبجي ....
صدك انكسر قلب عادل منظر يكسر القلب ....
وسام ...وسام كوم حبيبي الله يرحمها ادعيلها ميصير تظل بس تبجي راح اتعذبها هيج .....
عادل امي ...تفهم شنو امي ...من ارجع من الدوام ارتاح بضحكتها ويروح كل التعب مني ....جانت تريد تشوف جهالي قبل لا تموت وماتت بدون ما تحقق رغبتها .....-يحجي ويبجي-....
بس ميخالف يعني تقبل تتعذب امك بكبرها هذا بجيك يعذبها ....
انتم دفنتوها لو بعد ؟....
اي اني و علياء كملنا المراسيم كلها ....
ودوني الها فدوة خلي اشوفها ....
اوك يلا تعال اني اوديك ....
شوية اعتزل عادل عن وسام وخابر علياء وكللها بكل الحجي كالت خلي يروح خطية بلكت يرتاح ....
اوك هسة راح اودي ....
راحوا لكبر ام وسام وظل وسام يبجي عدها ....شبع منها وطلع ....رجعوا للبيت جانت صلاة المغرب حلت....لان تاخروا هناك ...
يلا وسام خلي نكوم نصلي ....راح يوذن ...
ما اريد اصلي بعد عوفني اريد انام .....
عادل صح ضاج من كلام وسام لكن يكول يهدا ويعقل... المهم عافة ينام و هو راح يصلي بالمسجد...
من رجع كعد وسام كله اني رايح .....
كله الله وياك ....حتى ما شكره على وكفته وياه ...
ظلوا ابطالنا على هاي الوضعية فترة وسام دائما بعزلة و كآبة وابتعاد عن الايمان... نورة دائما بس الدموع بعيونها... علياء ظالة تروح لوسام تشوفه وترجع لبيتها اداري نور وامها ....
وسام حتى فقد شي اسمه السؤال كام ما يسال على احد ابد .....
علياء منزعجة من شغلة ترك وسام الصلاة .....
يوم من الايام راحتله .....
هلو وسام ....
هلو بيج ....ادخلي ....
شلونك اليوم ....
-يضحك وقرب الكرسي وكعد- شلوني نفس التعاسة والفكر ....
كعدت على رجليها كبالة ....وسام وين التفاؤل مالتك وين ديانتك وين عبادتك .....
بنص الحجي سكتها ....اكلج علياء عوفينه من هالحجي هسة تريدين شي مني لو اطلع ....
وين طالع؟ ....
معليج انتي بيه بعد يلا روحي .....
ماشي براحتك بس ما تشوف علاء ميصير تهمله بالسجن غير تشوف شكد حكموا وين وصل .....
على شنو اسال عليه وهو واحد ......
ها وسام لا تحجي هيج هذا اخوك وبعدة زغير يندفع لازم توكف وياه ....
اكلج بطلي تنصحين مو اخوية هذا تريدين تحنين عليه روحي انتي اله ....
وتقبل عليه اروح بنص الزلم والسجن .....
عادي بكيفج ....
اوك مع السلامة ....
الله وياج ....
طلعت علياء وفعلا الدموع تارسة عيونها شلون تحول وسام الجوهرة الى واحد فاقد الاخلاق اصلا ....
ظلت تبجي رجعت للبيت ...خابرت عادل ....
طلبت منه انه لازم يشوف علاء باعتبار هي ابنية ما تكدر تروح وهذا طفل لازم يظل جوة عينا ......
عادل وافق اكيد كلبة طيب خطية .....
راح شافه لكه حاكمين عليه ثلاث سنين ويطلع وحالة امبهذل كلش .....
اجى عادل سولف لعلياء على الوضع .....
علياء كالت لازم اكل لوسام هذا اخو يجوز جانت ساعة عصبية .....
راحت لبيته ما لكته بالبيت ظلت منتظرته يرجع .....
ورة فترة رجع وبيده علاكه هي عبالها مسواك اجتي اخذته من ايده بسرعة فجأة ......
سمعت صوت كزاز بيها فتحتها لكت بيها ابطالة مال سم يريد يسكر بيها .....
وسام هيج وصلت الحالة بيك تسكر....
هو تعصب حيل كلها انطينياها ....
ظلت معاندة ....وهو تزداد عصبيته اخير بعد ما تحملل اجه عليها وضربها ......
..........
اتمنى عجبكم البارت وشنو تتوقعون راح تستمر علاقتهم لولا ....
البارت القادم راح يكون اخر بارت اتمنى استمتعتم بقراءة القصة ...
اخر بارت
http://dorar.at/t/961533
دمتم بخير حبايبي
زنبقة الغرام ❤
رد مع اقتباس
المشاركة الأصلية كتبت بواسطة حہيہدر الہبغہداديہ
