ماانتم به فضله يعود لمن سبقكم.............
--------------------------
سالفت عليوي وصبرية
.
..صبرية ازوجت عليوي ، وهي مره معدله وحلوه كلش المي من تشربه ينشاف من بلعومهه ..
وعليوي خوش زلمه بس طاگه العوز ، ولا فلس عنده ..
يسولف الصبريه يگلها والله من تصير عندي فلوس الا اترس رگبتچ واديچ ذهب وشتريلچ بيت بالولايه ، يصفط عليها ويخطط لمشارع مستقبليه بعيده المنال .. مثل ( حكومتنه ) ..
ذاك اليوم عليوي طلع يحش حشيش ، جان تگرصه حيه وتموتة ( الله يرحمه ) ..
ضلت صبريه تبيع مخضر وتجمع فلوس وتشتري كل عيد اضحيه ( طلي ) وتذبحة بثواب المرحوم ..
ولدهه يسألوها المن هذا الطلي يمة ..؟
تكلهم لبوكم عشرته ماتنسي يا بعد رويحتي ، ومن تذكره تبچي وتنوح ..!!!
الآ ...ان اجاها واحد الله رازقه ومنعم عليه ( فايخ ) ..
وصارت صبريه بأحسن حال تصعد ( تاهو ) وترجع ( باوباما ) ومن إجه عيد ضحيه هم اشترت طلي حتى تذبحه !!
وهم سألوها ولدها يمه هذا المن تذبحين الطلي ..؟؟؟
گالت : هذا الطلي بثواب
الگرصت الحيه ابوكم الشفيه ..!!!!!!
رباط_سالفتنه
المفروض الحكومة كل سنه تذبح طلي لابن صبحة لان خلاهم يشبعون من قوت الشعب ..(راقت لي)
منقول من صفحه الاستاذ صفاء العبدلي
رد مع اقتباس