المنحة المجانية وكيفية التقديم عليها
بالبداية اللي يكول واسطة أو فلوس جذب هي احتماليات واشكد ماتتوفر الشروط عندك تزداد احتمالية قبولك
الكليات المفتوحة هي صيدلة وأسنان انت رح تداوم بكلية أهلية والأقساط تكون مدفوعة شرط انه ماترسب اذا رسبت اول سنة تصير نصف منحة واذا رسبت مرة أخرى تنلغي المنحة عنك
اهم شرط انه يكون المعدل 93.5 كحد أدنى ويكون الطالب ناجح من هالسنة ... الاحتمالات تزداد اذا كان عندك شهيد أو من سكنة القرى أو والدك موظف هاي كلها نقاط تحسب الك بس مومعناها بلاها ماتنقبل ....
شلون تقدم ؟
تروح للمختار تأخذ تأييد سكن ويكتب بيه انه انت من العوائل المتعففة والدخل المحدود وانه انت من سكنة هاي المنطقة واذا بالقرية نفس الحالة ...
اذا كان والدك شهيد تأخذ شهادة الوفاة واذا موظف تأخذ كتاب من الدائرة اللي هو موظف بيها
وتأخذ تأييد درجات من المدرسة معنون الى وزارة التعليم العالي الأهلي وبورد الدرجات مختوم من مديرية التربية ... هنا ينتهي شغلك بالموصل
من ينفتح التقديم رح يكون تسلسل حسب الحروف الأبجدية من يصل حرف اسمك تروح لبغداد وتأخذ وياك المذكور أعلاه والمستمسكات التقديم يكون بوزارة التعليم العالي رح ينطوك ورقة تملي بيها معلوماتك وتسلمها الهم وينتهي شغلك يبقة تنتضر القبول .... القبول يطلع بعد اعلان القبولات بالمركزي بأكثر من اسبوعين
متى ينفتح التقديم ؟
التقديم عالاغلب ينفتح بعد امتحانات الدور الثاني وبعد التقديم عالمركزي
واهم شي تروح قبل سراك بيوم حتى من الصبح تكون بالوزارة
-رحلتي في السادس
https://www.facebook.com/17743157895...9066024075247/
رد مع اقتباس
المشاركة الأصلية كتبت بواسطة محمد إبراهيم
