الجزء السابع من قصتي...همسات التوبة
شفنا وسام شلون تخربط احواله وباله يم والدته وهسة راح يسمع خبر جديد عنها
وسام البقية بحياتك ....الوالدة توفت ....
وسام ظل لازم الموبايل و ايدة بعد ما تتحرك ما عرف يجاوب ....
علياء بعد ما راحت وية الدكتور دخلت لكت ام وسام بدت تتنفس شوية وبعدين فجأة توقف نبض قلبها علياء بجت ما لكت غير انه تخابر وسام ....بعد ما اتصلت عليه وكلتله على الخبر من بعد ما سمعت صوته خافت عليه سوة بروحة شي ....
وسام ....وسام ...جاوبني ...الووو
بسرعة طلعت من المستشفى اجرت تكسي وراحت للشركة هم عدهم المفروض الموضفين يتفتشون يالة يدخلون ....هي دفعت ابو التفتيش وراحت تركض لقسم وسام ما لكته .....سالت عليه كلولها طالع للحديقة ....
راحت ركض للحديقة لكته طاك من البجي ويضرب براسه ....
وسام ...وسام كافي ....كافي لا تموت روحك ....
خليني اموت بعد المن عايش ....
لا لا وسام نورة خطية وحدها تبقى بالدنيا واني منو الي يلا حبيبي كافي فدوة .....-تحجي وتبجي -
انتي ديري بالج على نورة والله يحفظلج امج روحي مني يلا .....
-بعصبية -وسام كافي عاد هسة تروح وياي يلا ....
بجى وسام وكام وياها ويتعثر بمشيته ....سندته ووصلته للقسم مالته شافه عادل .....
وسام هاي شبيك ..... علياء شبي وسام احجي ...
توفت والدته ....
لا ...البقية بحياتك حبيبي الله يجعلها اخر الاحزان عليك تعال اوصلك بسيارتي للبيت ....
سنده عادل ووصله خارج الشركة بعد ما استاذنوا من المدير وهو كل هذا ما حجة كلمه بس يباوع عليهم ويدنك وحاصرته الدموع .....
رجع للبيت عادل وصله لفراشه حتى ينام لان منهار حاليا ....
علياء استلمتوا جثة ام وسام لو بعد ؟....
لا بعد ....خلي نروح نستلمها احنه وسام بعد ما يتحمل اي شي ....
يلا امشي ....
وصلوا للمستشفى راحو لغرفة ام وسام كاموا بالاجراءات اللازمة حتى يطلعوها ....
عادل بس نورة اخت وسام راح تطلع من المدرسة اروح اخذها واخذ امي من بيت وسام اوديهم لبيتي....
بكيفج علياء اخذي راحتج اني منتظرج بس لا تتاخرين خلي نلحك ندفن ام وسام ....
اوك ان شاء الله ....
.
.
.
.
ها حبيبتي شلونج بالامتحان اليوم ؟....
الحمد لله بس وسام شلونه ....
حارت شتجاوبها ....
وسام زين حبيبتي بس راح اخذج لبيتي انتي وامي خلو يرتاح وحدة ....
وامي شلون صارت ....
اووف.... بصراحة امج ماتت حبيبتي ....
لا امي ....لا ...طكت من البجي .....
يا رب شيصبر وسام واخته .....يا رب قدرني اكدر اعوضهم ....
يلا حبيبتي امشي خلي نروح ....
علياء اريد امي -تبجي -....
حبيبتي اعتبريني اني امج قلبي بس بطلي تبجين فدوة اي شي تريدين اني يمج ....
نورة ما مقتنعه طاكة من البجي وعلياء تحجي وياها ما ابالها اي شي بس فقدان حنية امها وبنفس الوقت اخوها مسجون و وسام منهار ....
راحت وية علياء للبيت و بقت الدرب كله تبجي وعلياء تسكت بيها ....
راحت علياء اخذت امها من بيت وسام واخذت نورة وطلعوا راحوا لبيتها هناك قفلت عليهم وطلعت ....
ها عادل شسويت ؟....
والله منتظرج ...ها وديتيهم ؟...
اي وديتهم بس خايفة على نور خاف تشوف روحها وحدها و تسوي بروحها شي ....
هسة نحاول بسرعة نكمل و نروحلهم و وسام هم وحدة ترة و هم مو امان منهار ....
المهم كملوا مراسيم الدفن ابدال وسام لان طبعا ما يكدر اصلا يتحرك او يحاجي العالم .....
بعد ما كملوا راحت علياء لبيتها وعادل لبيت وسام ...
دخلت علياء لكت نور كاعدة بنفس هدوم الدوام وما مبدلة ولا ماكلة وام علياء نايمه وظالة نور تبجي وحدها ....
نور كافي عمري لازم تدعيلها هسة مو تبجين هذا البجي راح يعذبها بالكبر ....
علياء ما اكدر والله ...
حبيبتي حقج بس لخاطري بطلي ....
اوك يلا لخاطرج ....
راح عادل لبيت وسام راح لغرفته بس .....
ما لكاه ....
اتمنى عجبكم حبايبي واشكر دعمكم الي
البارت البعده
http://dorar.at/t/961508
دمتم بخير حبايبي
زنبقة الغرام
رد مع اقتباس
