هنياله الكبر نومه ودثر حلّمه
هنياله الكبر نومه ودثر حلّمه
وجه واحد عشت للمالهم كل لون
اثاري اللون هم زلمه
واثاري الكثره هم اتغر…
واخذهم راي
انذب يوسف طعم للبير مر الماي
يدمّعي الأعتگ امن الماي
لمت يابير…
ابلونك محّد ايندهك
عيش اظلم اذا رايد هذيج الوادم اتشبهك
عيش الليل سچه الامل ما ينلاح
اتعبت من شفت واحد ماتعب وارتاح
اعيش الليل
بلا گمره لذيذ الخوف
واعذره المايصح بيده نهار يعيش…
ويگوده ابندارت بِت
من ضيمي اشتهيت اسكت
من ضيمي بهت شوفي
من ضيمي بدت حيطان تتحمل حچي اچفوفي
بحيلك محّد اليقراك…...
تثّگل والعيون اخفاف
توكع من وكت يقروك…
الظرف من ينذبح ينشاف
ظرف من حرگته ايغنّي
نقص بالطين……مدري اشمنّوخذ مني
مدري ابيا نفس غربه هويت الريل
موسم للقصيده الليل
موسم للشعر يغويك
خذك ماتدري وين ايريد بس الواهس ايمشّيك
واهس عين تدور عالحزن لو ضاع
تدور ماتهم لجدام المتيهين
مرات انتچل عالريح….
چيه جدم السفينه اشراع
چيه تبهت وحزني يلثك الضلمه
ارتويت بكاس
وتبينلي مو كل العطش للماي
اثاريّ السفر للناس
يكلفك اوجوه هواي .
طيف الخالد
رد مع اقتباس
