هنا

[فقار الكرخي]

تكتر..
كون ماتكدر ..
تدك انكر
صبر لليل وتصبح وﻻ جن مر..
قهرنه ولا عذاب الآه..
ياآهي ..اشكثر تكبر
سحابه وﻻ لبكها الريح ..
ﻻ بيهه الوكت حدر
وﻻ صبر الصبرته اعليك
نافعني..بكثر ماضر
تكتر ..
شلك ويه الروح؟..
شعره ..وماتحمل الجر ..!
هفه ..وعاشت عطش للغيث ..ماهر
بصريمه بر ..
وﻻ سرها الغريب انسر
وﻻ كالت..عليك ارخيص
يا سلعه ..الفلا تنضر
ذهب شامي وتغش العين..
وبعين الرخص ..تزغر
تكتر..
بلجي اكع الروح ..
روحي الماعليهه اكدر..!
رمتني ..
وضيعتني سنين ..
سورة ماي بس افتر ..
ادورن والليالي اتدور ..
سفان..بعذابه ابحر
وﻻ شاطي اليكلي ارتاح...
ﻻ نجمه.. التكلي انسر.
وﻻ شرجي العذاب الطال ..
حن لعادتها او غير
شمالي..
او يشمال الروح ..طفي الروح من تشغر
كضت ..ﻻ صدك بيها الليل.. ﻻ بيها الفرح يعثر
اوتنطرك...
وانته يالماجيت! ..
ﻻ لجك برد؟!.. ﻻ حر؟
صفت سولة هواك الآه..
لو ما الآه...
كلبي انطر...
وترادت والعتب شيفيد.
دكه..
اوساوت العنبر..!
والأكثر يل وﻻ تنساك..
طيفك ..ﻻ نشد.. ﻻ مر؟!
او سمعنه الكلب يحمل غيظ..
موش الطيف
يتغير




عريان

[رئاب]

شكرا فقار

[انثى مخمليةة]

ابدعت في الاختيار