انته تسوه عيوني اذبهه بصورتك
كلها حلوه سوالفك ﭼنك مضيـف
مرورتك گهوه اشحلاة مرورتك
ادوارة المطگوگ عالدم دوريـت
مثله مستعجل واريدن شوفتـــك
ما يحك جلده السـهم الا اعله روح
انته تسوه عيوني اذبهه بصورتك
يا سمع شياب كافي تظل ثگيـل
اﭼـفيلي حضنك بدي بيه حرورتك
شوفي كش غيرك يالمحزم حــلال
وخوفي خصرك لا تگطعه بـدورتك
اشبگني مو شبگ العصي يسوي السلال
وسولف تسومر سلف بملوحتــك
بيه جم شفة ضرف بللني مــاي
اصتيت بروحي اركض اخمد هوستك ..
تروح عالثوب الـ يكد عين الفقير
وانه يالفانوس الك خيمة عرب
الشيب مشية يدور الزلمة الجبير
يسوه وبراسه النخل حط الرطب
والله يسترنه لـ جهنم سوه باب
اتدنه حيــل اهواي من تعبك شرب
اتلاوتت ليل وتمزهدلي بنهــار
وخمرت الصفنه وطلع نفسي بـگصب
وهيه شروة ليل ما شايفني زين ..
تعبتني و يا تعب حلي انغــلب
تطيح هيبة كل علگ يمسح تراب
النار تعله اشما يدگ صدره الحطب
وهوه عيسى السوه للخشبات صيت
وگام يا عاشگ يجي البعده انصلب
علاء المغشغش
رد مع اقتباس
