حلـم تعبـان
( وجــه ثاني)
انا اليـه ابـكل شبر..
من گـاعي صـوت
وبگـلب كل نخله من نخلاتي طاري
بيه شـوگ الكل غصن ماصار فاس وكل وجه صلت عله خدوده الضـهاري
( امـــي)
امــي ياطيـر الاشـوفه ايگــول
ســلملي عليــه ..
( حلـم تعبـان)
مـا دليــك بجـروحي ..
وعناويـن الطيور الغافيـه بروحي
وبصمات النخل. والگـاع والنهـران
( تـعال اوياي)
مـن گـد ماتعـودنـه الضلام الحـاد
گـمنه انخاف ..خاف النـور يعميـنه
( اصـابع جـام)
مـرجحني.. وعلـمني
بـعد بيـه لعـب واطفـال..
ترگص لو رگص وجه الگمر بالماي وتغنـي
وعلـمني اسوي من الفياي افـياي
( تـفاحـه)
لا يرضى الصبح ينزل
يدك الباب
ولا ليلي الطويل
اتناوشه ولاحه
( انــا آوذان)
إنه بروحي نهر يجري وجرف خدران
ﭼـم نخله على جتفه تنام مايدري
وعشگـ عذري
الوطن يمتد مسافه ابين كاروكي وحضن گـبري
( حــزن امـي)
منجل ماصيرً لا تحطلي سنون
مااحشًً سنابل غيري زارعهه..
( مســحي تعـبي)
في بلادي الناس تغرب
گبل ساعات الغروب
وگبل ماتطفه الشمس
تغفه الدروب.....
( انتــماء)
انـتمي لـكل حـرف مكتـوب بيدي وگـايله
انتــمي لسـوگ الشيـوخ..
البيـه طـب ثالث علـم
ﭼـان ابـوي الشايلـه
( حـــزن)
حــزن بيه من آول ما سفـك
قـابيـل دم هـابيـل
وآدم گـال شعـليـه
( نـهـر متعـوب)
شـفت آبـضل تـواريــيخك
حـزن يـغلي.. او جـه غـابه ..
لكيتك هم مثل روحي
نهر متعوب..
واگف وحده يصلي
غـانم هاشـم الفياض
رد مع اقتباس
