أنته شعلمك دينك؟
آنة حسين علمّني
علمّني أحب الناس..
وأنته شعلمك دينك؟
تسدّ الشارع اعلى الناس !!..
وبآخر موكب الزنجيل
ناس ملثمه وحراس..
وباول موكب التطبير
صم أطفال چنها تراب
عافت مدرستها
وتنزف من الراس..
إذا ما تستحي من حسين
فكر مره بالعباس !!..
يرّضه تسد درب عل الناس
يرّضه تسد درب طلاب ؟..
گبل لا اعلم اطفالي تطبر وين!!
اعلمّهه تصلي شلون
وانطي لكل طفل حباب..
دفتر بي يخط حلّمة
وقلم تلوين لإيامة
وحذاء وجنطة بيها كتاب..
أعلّمة الدنيا ضحّكة خير
مو دم ولطم وتراب..
گبل لا أشيل چف زنجيل
انشّف دمعة الشياب..
لو شايب تمرّدة الدنيا تالي الليل
لو جاهل بخمس سنين
لو جاهل علم ويأذّي هاي الناس !!
هذولة أحنة
ولا ظل بينة واحد شاب..
خايف لا مريض يموت..
ما يوصل
اذا حطّوا حرس بالباب..
خايف تنتهي الاطفال
عود من البخور ويخّلص بسرداب ..
والگه الدمع يخنگ ناسي مثل
الحايط المهجور لمن يخنّگه اللبلاب..
خايف الگه روحي تراب !! ..
ادهم عادل
رد مع اقتباس
