اخوج انة عدل يا زينب شتردين
ياهو الكال ميت ونصب فاتحتي
انة الوديت راسي اعلة الرمح ناطور
حشاي تعذرت لو عفت ضعن اختي
امانة فاطمة يازينب الحوراء
من ذمة واندارت بذمتي
وانا العباس اخوهة الما عفتهة تطيح
واهي نكطة حيه المافاركت كصتي
نار ومشتعل من الجدم للراس
شطفة وزينب الحوراء منقلتي
انة ابن ام البنين وكفو من ام عباس
لكن زينب الحوراء والدتي
ضيفت السيوف بيوم جاع الدين
وانة العزبتهة بلحم خاصرتي
اسئلو جفوف ادية شكثر ها يجفوف
من فرسانهم جم سيف يتمتي
وانة لعيون زينب ماغفت العيون
وخليت الزمان يسولف بقصتي
وانة لعيون زينب حولتهة لشاش
ولا خفت السيوف الحللت كتلي
انة من الغيض شايل غيض ابو الحسنين
ولا حسيت بالطف زلم كفتلي
البشر صلت فرض لاربعطعش معصوم
وانة اربعطعش معصوم صلتلي
عن ياميمنة ويا ميسرة يكولون
حتة اشعر زلم بالكاع ثبتتلي
انة الكورتهة وقسمتهة رباع
وعس يا سيف ملك الموت صاحتلي
وانة الترك مجبر نايحة بكل بيت
وارامل جيش امية بهاي شهدتلي
جهنم من كثر شيل الجثث للنار
غصيت بجثثهم خبر ودتلي
وانة المدفون واكف ما طحت للكاع
دست طرف الارض والكاع كامتلي
انة المن علي بل كل علي بلا زود
وقوتة البسمة اعلة الكاع نزلتلي
الشمس ردت لبوي وصلة فرضة وكام
ولو رايد ترد هم جان ردتلي
بعدني بظهر ابوي وفاطمة الزهراء
شلعت من كلبهة وكلب حطتلي
وكتبت فوك زندي تعيش يا عباس
ومحروس بعلي الكرار ختمتلي
رد مع اقتباس
