الجزء السادس من قصتي ...همسات التوبة
حاليا وسام مدنك راسه من فعلة اخوه وامه بحالة خطرة وما بيده اي شي....
تعالوا نكمل....
وسام فتح الباب شاف علياء ....بعد ما كدر يحجي اصلا كلش خجلان منها لان حاليا هو محطم كليا ما عنده اي سند او هدف او دعم لعد شلون يتزوجها ويظلمها وياه وهسة اكيد راح ترفضة على هيج وضعية .....
سلام عليكم وسام ....
وعليكم السلام ....-بكسرة خاطر -
ممكن ادخل لولا ؟....
ااا اي اتفضلي ....-يحجي بتوتر - طبعا مستحي من وضعية بيته ما رادها تشوف بس ما يكدر يطردها ....
دخلت علياء شافت بس نورة كاعدة ....
ها حبيبتي شلونج ....
زينه ...
التفت علياء على وسام ....
شلونك وسام ...
...وسام دنك ما كدر يحجي اي شي ....
وسام احجي شبيك فهمني شنو صار وياك ؟؟؟
....كعد على كرسي قريب ودنك راسه وبجى ....
لا هاي ليش احجيلي فدوة .....
علياء كل الي اكدر اكوله الج اني ما افيدج عوفيني يبت الناس شوفي حياتج اني حاليا انسان محطم ما عندي عائلة روحي ما اريد اظلمج وياي فدوة.....
ادري هي شنو بهالسهولة اعوفك.....نورة حبيبتي دخلي شوية جوة ....
كامت دخلت نور ....واجتي علياء كعدت يمه وتباوع عليه بكل حنان وعطف ....
وسام الله عليك احجيلي اني مو غريبة عنك شنو الدمر وضعك هيج ....
علياء الله يخليج اترجاج عوفيني ....رفع راسه لكاها تبجي ....
ليش تبجين ؟؟ ....
ابجي على حالك وسام ليش تضم عليه ...
كام وسام من الكرسي ....
ترضين بزوجج اخوه مسجون ...ترضين بزوجج اخو يلعب قمار ولازم يسدد كل شهر فضيحة اخوه ....
ترضين ....
قبل لا يكمل كامت علياء وكفت كباله ...
معقولة هيج لحد الان ما تعرفني شنو اني ما تعرف معزتك عندي ...قابل انت كايل لاخوك يسوي هيج ماكو بشر ما يغلط لكن الاحلى من يتوب من الغلط....
علياء يعني ما ضجتي مني بسبب ضروفي ؟؟....
شلون اضوج منك وانت راح تصير ابو بيتي ...يلا كوم اتريك وارتاح حتى تروح لشغلك ....
الله يحفظج علياء ولا يحرمني منج ....لا اروح لامي بالمستشفى ....
اني اروح يمها معليك انت ....روح انت سويلي اجازة وسوي الك اجازة حتى تظل يم نورة وامك واني ابقى وياكم بس راح اجيب امي يمكم ....
علياء ما اعرف شلون اشكرج والله ...البيت بيتج جيبي امج براحتج ....
ها وسام شنو احنه بينا شكر .....
لا يلا اعتذر -ابتسم شوية -...
-تضحك بهدوء -يلا اوك ....راح اسوي ريوك تعال اكل
نورة ...نورة حبيبتي تعالي تريكي حتى تروحين للدوام .....
اي هسة بس ....
بس شنو حبي؟ ....كولي
وسام ما يقبل اروح للدوام ....
لا حبيبتي يقبل اني اوديج وبعدين اخذج ونروح لماما...
اوك ....شكرا ...شنو اسمج ؟
اني علياء ....يلا حبي كملي اكل و روحي بدلي ...
علياء اريد امي ....
حبيبتي ان شاء الله ما بيها شي ....
كملوا و بدلوا و مثل ما كالت علياء كل واحد راح لشغله و علياء نظفت البيت و هم بدلت وطلعت جابت امها ابيت وسام و قفلت عليها و طلعت للمستشفى الي بيها ام وسام ....
ظلت كاعدة هناك لان سالت الطبيب الحجية ما رجعلها الوعي .....كلولها لا بعدها ظلت كاعدة وتدعي ....
ورة فترة خابرها وسام كلها كملت اجازتج بعد بس اجازتي اوقعها و ارجع .....
اوك توصل بالسلامة ....
الله يسلمج ....شلونها امي ؟؟
نفس الوضع بعدهي ما كاعدة .....
اووف الله يشافيج يووووم .....
امين يا رب ....
مرت ساعة اجى الطبيب يركض لعلياء ....
انتي تعوديلها .....
اي هاي امي ...ليش ؟؟
النبض بدا يتحرك شوية ....تعالي وياي ....
والله ....اي هسة اجيت ....
.
.
.
.
.
علياء شافت ام وسام و.....طلعت من الغرفة اتصلت بوسام .....
اتمنى عجبكم البارت واكون عند حسن ظنكم وشكرا لكل واحد دعمني بالقصة ...
البارت البعده
http://dorar.at/t/961456
دمتم بخير حبايبي
زنبقة الغرام
رد مع اقتباس
