الجزء الخامس من قصتي ....همسات التوبة
بعدما عرفنا شنو شرط علياء وهو شرط بسيط هسة راح تبدي مشاكل علاء....
كاعد وسام بالسيارة هو وسمير وهو مشتعل نار من العصبية بعد ما كله سمير على خبر علاء ....
علاء مراهن وية جماعة يلعبون قمار وكل ظنه يفوز لكن خسر وما عنده افلوس يدفع لذلك حاليا هو محبوس عدهم ما يطلع الا ب 500 مليون وحاير وسام منين يجيب لان لازم اخو يطلع .......
ظل وسام مشتت البال ما يعرف شيسوي لحد ما وصلوا .....
ها اجيت ادافع عن اخوك المضحك القشمر ....ترة ميفيدكم الا ادفعون واذا ماكو احسبوا ابنكم الحبيب مشمور عليكم مذبوح .....-ضحكة عدوانية-
طبعا هم شباب كلهم معضلين ووجوهم صدك جنهم مجرمين ....بس وسام خلة ايمانه اكبر وثق بالله سبحانه وتعالى انه ما راح يضيع اخو من ايده....
زين ممكن نتفق ؟....تنطوني اخوي واني اكتبلكم شيك بالقيمة الي تريدوها وكل شهر ادفعلكم .....
يلا متفقين بس خلي ابالك اي شهر ما نلكه فلوسنا احسب اخوك ....-يأشر بايده على ركبته يعني يذبحه-صار معلوم .....
اي ماشي ...هسة اريد علاء يلا ....
جابوا اله من ياخته وشمروا على وسام حيل وكع يم رجلين وسام .....
بس نريد هسة مقدمة ما تروح وايدك ما منطية شي مو حرام ....
شكد تريدون ؟؟؟
اممم علاء دفع اول مليون وانت ادفع الثاني ....
ومنين جبت المليون ولك حقير ؟ ....
علاء دنك ما حجة شي .....
ماشي انتظروني يومين واجيبهن الكم ....
اخذ ورقة ووقع الشيك وطلع هو وعلاء ...طبعا شبع دفرات بالطريق .....
ولك ليش مخليك محتاج اني مو شتطلب اني اسويلك ليش مو انت جبير البيت من بعدي هيج تسوي بيه تخليني انزل نفسي لجماعة فاسدة وانوب مدبرلك مليون من جيبته ولك منين... الك حساب وياي علاء بسيطة .....بسيطة علاء -والنار مشتعلة من عيونه -
وصلوا قريب من البيت لكوا سيارات الشرطة بالباب محاصرة المكان راح يركض على امه ونورة ....
ها شكو هنا ؟؟؟...
مطلوب القاء القبض على علاء ابنكم ....
على شنو ؟؟؟...
بايك مليون ونص من شقة مرأة وهي اتبعته وبلغتنا عنه ....يلا وينه ...
ظل وسام صافن ما يعرف منين يتلكاها ميدري شلون يتصرف .....
اخذت الشرطة علاء وراحوا ....وسام ركض على امه وسد باب البيت امه مختنكة حيل ودايخة وما تتحرك ونورة بس تبجي ....
يمه يمه حاجيني شبيج يمه ....
كومي بسرعة لبسي شي خل اشوف امي شبيها ...
راح بسرعة اجر سيارة واخذ امه للمستشفى دخلت طوارئ ....ظل منتظر برة يبجي ونورة بحظنه ....
طلع الدكتور ...ها بشر دكتور ؟
امك صار عدها جلطة قوية اثر صدمة وقهرة وحاليا عدها اغماء وبعد بيد الله .....
اوووف ليش هيج ليش -يبجي حيل -ما قصرت وية احد اني ليش هيج تسوون بيه ....
ظل وسام ونورة كاعدين لليل ....نورة خطية جاعت بس ما تكله تخاف منه ....هو شافها تعبانه وهلكانه راح جابلها لفة وكعدت تاكل هو ما يشتهي اي لكمة ظل كاعد ويفكر ويبجي ....
بعدين غفوا من التعب ....الساعة بالخمسة كعد وسام على اذان الفجر كعد نورة .....
نور كومي حبيبتي كومي خلي نروح للبيت نصلي ونبدل ونرجع هنا واليوم عوفي الدوام ....
اي عادي عوفه هسة يلا خلي نروح ....
اشترالها لفة بالطريق واكلت خطية ....
وصل للبيت جاي يبدل واندك الباب ....
اجيت..منو ؟؟؟
فتح الباب وتفاجأ ....اتمنى لو ميت ولا هاي اللحظة....
اتمنى عجبكم البارت حبايبي
انتظروني بالبارتات الجاية
البارت السادس
http://dorar.at/t/961211
دمتم بخير حبايب
زنبقة الغرام
رد مع اقتباس
