الجزء الرابع من قصتي ....همسات التوبة
طبعا صار بعض التفاهم بين علياء ووسام ولازم ينتهي بالزواج لكن علياء عدها شرط....
استمتعوا...
شنو احتمال يطلع شرطها ....خاف ما اكدر اسوي الها ....؟
كل هاي اسئلة جانت تدور في بال وسام بخصوص علياء بعد ما قرا رسالتها بالموبايل .....
حتى ما ظل صبر عنده ينتظر يداوم ويلتقي بيها لذلك خابرها ....
الووو ...
.
.
.
الوو وسام شلونك ....
الحمد لله ....
اكيد قريت الرسالة مو ؟ ....
اي قريت و.....اني مستعد لاي شرط ...
اوك شرطي بس اريد امي متروح مني ابد وتعيش وياي .....
والله خوفتيني عبالي غير شي ....عادي ترة اني هم اريد احد يم امي وعادي نجيبها تعيش ويانه ....
اوك لعد اني ......
انتي شنو ؟؟؟
موافقة -بخجل -....
والله ....اوك الخميس الجاي اجي اخطب تقبلين ؟
اي عادي بكيفك ....
اوك مع السلامة ....طبعا يحجي وهو ما متمالك نفسه من الفرحة ....
مع السلامة وسام...
من انسد التلفون حس وسام بشعور غريب اول مرة يشعر هيج وطبعا هو شعور الحب لاول مرة وراح نشوف راح يستمر لولا ؟؟؟؟....
واكيد نفس الاحساس جان عد علياء ....
طلع وسام من غرفته لكه اخوته توهم كملوا قراية وراح ينامون وامه بعدهي كاعدة اجى لامه كلها يمه اني لكيت البنية الي راح تكون شريكة حياتي ...
صدك يمه والله ؟؟...
اي والله يمه ....
على الخير يمه فرحتني هواي ....ومنو هي ؟
يمه تذكرين البنية الساعدناها جانت امها مريضة ؟
اي يمه اذكرها ...
اي هي هاي طلعت مهندسة وياي بالشركة وتعارفنا اكثر واتفقنا على الخطوبة يوم الخميس ان شاء الله...
وليدي الله يتمملك بالخير يا رب ...
تسلمين يا احلى ام بالدنيا ...يلا تصبحين على خير ..
وانت من اهلو حبيبي ...
راح وسام نام حتى يكعد الصبح يستعد للشغل ....
صار الصبح طلع للشغل ....وصل للشركة ....
هلو عادل شلونك ....
هلو وسام حبيبي تمام انت شخبارك ....
الحمد لله ...تعال اريد اسولف وياك حبيبي ....
اي يلا تعال خير ان شاء الله ....
اي ان شاء الله اني راح اخطب الخميس الجاي ....
الف مبروك وسام تستاهل كل خير ....بس اقاربك لو بعيدة ....
لا ست علياء راح اخطبها ....
والله ...الف مبروك حبيبي
الله يبارك بيك عدولي وطبعا اريدك بالخطوبة تجي وياي لان انت مثل اخوية واخذ امي واخوتي ....
اي تدلل من عيوني حاضر ....
الله يحفظك الي حبيبي ويا رب تتزوج انت هم وتعزمني هههه....
ههههه امين ....يلا خلي نروح نبدي شغلنا ....
كمل وسام شغله وطبعا راد يشوف العشق مالته راح لكاها بالحديقة كعد يمها شوية سولفوا وبعدين واحد اترخص من الثاني يرحون للبيت .....
اجى يوم الخميس بسرعة طبعا واستعد وسام و هم علاء ونور وياه وامه وخابر عادل حتى يرحون لبيت علياء ....
علياء ايضا استعدت ومنتظرة ......
بعد ما وصلوا ..... ظلوا العائلتين يسولفون وسام بعد ما صبر مباشرة دخل بصلب الموضوع ....
طبعا يشرفني اطلب ايد بنتكم علياء ....
سمعت علياء الحجي ودخلت بالعصير عليهم ....
علياء بنتي شنو رايج موافقة لولا ؟؟؟
دنكت علياء وهزت راسها بالموافقة ومباشرة دخلت لغرفتها .....والخدود حمر هههه
بعدها اتفقوا على الحاضر والغايب والمهر وكلشي وبموافقة العائلتين رجعوا وسام وعائلته وهو طاير من الفرح طبعا ......
ظل العاشقان ايام وهم يتراسلون ويطلعون ....
يوم من الايام رجع وسام للبيت ....
هلو يمه شلونج ....
هلا بيك يمه ....
لعد وينه علاء ؟؟؟؟شو ماكو
علاء طلع يم صديقه كال شوية وارجع ....
شنو يطلع بكيفه -بعصبية - اني اعلمه خلي يجي ....
ظلوا منتظرين وعلاء ماكو طلع يريد يروح يسال اصدقاءه عليه .....والعصبية فول
اول ما طلع .....
عمي وسام عمي وسام تعال الحك علاء راح يسويلك مصيبة ......
.
.
.
.
شنو تتوقعون علاء شمسوي ....
اتمنى عجبكم البارت حبايبي
البارت الخامس
http://dorar.at/t/961121
دمتم بخير
زنبقة الغرام
رد مع اقتباس
