هنا

[الشاعر هاني حماده]

ملحمه بالكوفه صارت ملحمه
هذا مسلم لو علي حامي الحمه
***
نزل بالكوفه غضنفر طالبي
جيش وحده ضده جيش الناصبي
اسمع اشگال الابي ابن الابي
من لزم بيمينه قبضة صارمه
***
گال انه المندوب عن سبط النبي
حسين مولاي وإمامي ومذهبي
اليوم أهل كوفان اسبيهم سبي
وراح اراويهم جحيم الحاطمه
***
زلزل الكوفه وخزرهه بنضرته
مثل داحي الباب واگف وگفته
كل اهل كوفان حين الشافته
صاحت ادركنه يرب المرحمه
***
ماجت الكوفه مثل موج البحر
كلهه مذعوره تصيح من الخطر
هذا مسلم لو علي فارس مضر
لو غضب نازل علينه من السمه
***
حارب الطغيان وفناهم فني
بطل ثائر للحرايب يعتني
ضربت أيمينه ابد ما تنثني
عزمه سيف الموت دوم أيترجمه
***
هذا مسلم والشجاعه تلوك اله
مايخاف الموت راعي المرجله
بالحرب خسران كلمن قابله
الملحمه تشهدله يوم الموزمه
***
هاني حماده البلداوي
5/ ذي الحجه / 1438

[نـايـا]

عليه سلام الله

احسنت اخي

[ৡ⚘أೂـيـر ألـنـ੭ــل⚘ৡ]

صلوات الله وسلامه عليه
صح لسانك ورفع الله مقامك

[قاسم البهادلي]

اللهم صل على محمد وال محمد
انحني احتراما لك اخي العزيز

[زفير]

احسنت بارك الله فيك اخي

[مِـيهہرَمــآهہ ♬✿]

بوركت يمناك اخي