هنا

[الشاعر هاني حماده]

عاشور ياشهر الدمع ما طفت ناري
حزنك سفينه والبحر حزني ومراري
لا تظن همي ينجلي
انه العقيله بت علي
دم دمعي جاري ما طفت ناري
***
عاشور ياشهر الدهر يا منبع الهم
أخبارك بدمعة حزن يرويها ادم
يذكر مصايب كربله
التجري على حسين وهله
دم دمعي جاري ما طفت ناري
***
عاشور لهلالك جرح يدي بدليلي
محتاره شحچي ياشهر هدملي حيلي
كل ساعه يرميني بسهم
روحي تذوب من الألم
دم دمعي جاري ما طفت ناري
***
عاشور بيامك صور سكنت خيالي
كلما أشاهدها الصخر يبچي أعله حالي
بيها شفت طاح العلم
والنار شبت با لخيم
دم دمعي جاري ما طفت ناري
***
عاشور أيامك شفت بيهن نوايب
ترجمها حالي بكربله أم المصايب
أيامك أطفتلي أشموع
وﮔلبي حزين ومفجوع
دم دمعي جاري ما طفت ناري
***
عاشور لهلالك بچت عين السمه أدموم
ولأرض ذابت بالحزن والكون مهموم
الأملاك ناحت بالسمه
وصاحت يمهجت فاطمه
دم دمعي جاري ما طفت ناري
***
عاشور لهلالك تضل هاي الشعائر
نوح ومأتم تعزيه وصوت الحناجر
تبقى على سنين الدهر
نار المصايب ياشهر
دم دمعي جاري ماطفت ناري
***
هاني حماده البلداوي
2/ذوالحجه / 1439

[أستثنـآئيـّةة❤️]

جمييل جداا

[نـايـا]

شكرا جزيلا
في ميزان حسناتك

[ৡ⚘أೂـيـر ألـنـ੭ــل⚘ৡ]

ٱللـّہ يبارك فيك ويجع محمد واله شفعائك يوم القيامة

«ابداع يطرق ابواب السماء »

[عبدالله يوسف الشمري]

موووفق حبيبي

[قاسم البهادلي]

احسنت احسنت وجزاك مولانا علي يوم الجزاء
شكرا لك

[علي الواسطي]

احسنت
في ميزان حسناتك ان شاء الله

[زفير]

في ميزان حسناتك ان شاء الله