الجزء الثالث من قصتي ...همسات التوبة
نذكر بالبارت السابق صارت حفلة بمناسبة تقدم الشركة ووسام وصديقه يتمشون بالحديقة....
خلي نبدي....
التفت البنية وتفاجأة وسام من شاف البنية الي ساعدها من جانت امها مريضة .....
شلونك استاذ ___العفو شنو اسم حظرتك ؟
الحمد لله اني وسام ...انتي شلونج الوالدة شلون صارت ؟
تمام الحمد لله اتشرفت بيك مرة ثانية شكرا على موقفك وياي بذاك اليوم ....اسمي علياء
الي الشرف علياء وماكو داعي للشكر ....بس ما كتيلي حظرتج شو هنا ؟
اني اصلا اشتغل هنا مهندسة بس اني هم ما اعتقد شايفة حظرتك قبل ....؟
اني ايضا مهندس بالشركة بس طبعي ما اختلط بالموظفين هواي على العموم منورة الشركة واتشرف بيج كزميلتي بالعمل ....
الي الشرف استاذ وسام ....
راح وسام هو وعادل كملوا طريقهم ....
منين تعرفها هاي وسام ؟...
مرة صار موقف وياها ....
ها اوك بس مبينة حبابة ....
اي صح ....
يلا اني راح اطلع للبيت عادل ....
اوك اجي وياك هم اطلع .....
طلعوا للبيت ....وصل وسام للبيت شاف نورة وعلاء يدرسون وامه كاعدة يمهم ....
ها حبايبي محتاجين شي؟ ....يوم محتاجة شي ؟
لا وسام سلامتك ....لا بعد امك روح اخذ راحتك ....
اوك يلا رايح انام ....
يمه ما تتغده ؟....
لا يمه اكلت بالشركة مسوين احتفالية اليوم ....
براحتك يمه عوافي ....
الله يعافيج يمه ....
راح وسام لغرفته نام ....
وكالعادة كعد حظر شغلة لليوم الثاني ودرس اخوانه وعشاهم طبعا .....
باليوم الثاني راح للدوام ....وبعد ما كمل شغله راح اتمشى بالحديقه شوية ....
التفت لكه علياء موجودة ...
صباح الخير ست علياء ...
صباح النور استاذ وسام ...شلونك
الحمد لله انتي شلونج ....
الحمد لله ...
بيها مجال نكعد نسولف شوية ....
اي عادي ما عندي مانع اتفضل ...
اخذوا فترة يسولفون وتعرفوا اكثر بعضهم وايضا جانت عدهم اتفاق بنفس مبادئ الشغل يعني صار اكو تفاهم بينهم .....
يلا اترخص ست علياء راح اطلع للبيت ...
مرخوص استاذ وسام اخذ راحتك....
بس ممكن اخذ رقم حظرتج لولا ؟
اي عادي ماكو مشكلة ....اكتب ~~~~~~
المهم رجع وسام للبيت بعدما شاف اهله راح لغرفته وظل يفكر بعلياء شنو المانع لو اخذها زوجة الي ....
احتمال توافق او لا ....زين اسالها لو خاف تفشلني ؟
هواي اساله ضل يفكر بيها وجوابها عد علياء مو غيرها ....لذلك قرر يسالها من يشوفها ....
اجى يوم الدوام راح وسام وطبعا بعد ما كمل شغله راح للقسم مال علياء .....
دخل وهو متردد ...سلام عليكم ست علياء
اهلا وسهلا استاذ وسام تفضل ....دنت الكرسي
لا شكرا بس عندي حجي وية حظرتج ممكن نطلع ابمكان ثاني ...؟
اي عادي هسة لحظات واجي ....
اوك انتظرج بالحديقة ....
ماشي
ظل وسام منتظر وهو مرتبك ....
ها استاذ وسام تفضل خوما اكو شي ....
بصراحة اني ما احب اظل هيج وضعنا اني وياج اني ما متعود احجي وية ابنية لذلك اريد اطلب ايدج للزواج توافقين ؟؟؟ ....
اندهشت علياء ....ها اممم ممكن تنطيني مجال افكر؟؟
اي عادي اخذي راحتج بس لا تتاخرين ....
ان شاء الله ....يلا اترخص ..
اخذي راحتج ....
بعدما رجع وسام للبيت ونام وارتاح كعد العصر لكه مكالمه من علياء ورسالة ......
مكتوب .... اتشرف بيك وسام بس اعتذر منك عندي شرط واحد لازم تقبلني بي .....
خلص البارت حبايبي اتمنى عجبكم
البارت الرابع
http://dorar.at/t/961077
دمتم بخير حبايبي
زنبقة الغرام
رد مع اقتباس
