الجزء الاول من قصتي ...همسات التوبة
ما اجمل ان نشبع قلوبنا بالايمان فنصبح لا نطلب شيء سوى مرضاة الخالق عز وجل ولا تبعدنا مصائب الدنيا عن لذة الايمان تابعوا القصة واتمنى ان تنال اعجابكم ......
كمل وسام دوامه ورجع للبيت لكه امه نايمه منتظرته وغفت ...
كومي يمه اني اجيت ...
هلا بيك يمه روح بدل اسويلك غده ....
لا يوم روحي نامي واني اسوي لروحي ...
ماشي يمه ...
وسام شاب عشريني متخرج من كلية الهندسة وهو هسة مهندس يصرف على امه واخوه صف خامس اعدادي واخته صف ثالث متوسط بعد ما توفى ابوهم وظل البيت بركبة وسام ...
طبعا هو شاب جدا متمسك بالعبادة ومداوم على الصلاة والايمان داخل بكلبه ....
بعدما بدل وسام واتغدة....
نورة حبيبتي محتاجة شي اقريج ...
لا سلامتك بقه شوية واخلص الامتحان ...
عفيه نوره شدي حيلج ...
حاضر وسام ان شاء الله ....
علاء وين ؟
كاعد يقرا بغرفته ...
اوك حبيبتي اروح انام اني ...
نوم العافية ....
هذا هو الروتين اليومي لهاي العائلة البسيطة متعاونين دائما وكلوبهم على بعضهم دائما.... رجع يوم وسام للبيت فرحان ....
يمه يمه باركيلي ....
ها يمه بشر ....
يمه صعدت بالمنصب درجة باركيلي ...
ابني الف مبروك يوم تصعد اكثر واكثر واشوفك متزوج ...
الله يخليج يمه ..شنو رايكم نطلع اليوم نغير جو ؟
نورة ...اي وسام خلي نطلع ..
علاء ...اي اي نطلع
وسام ...ماشي تدللون يلا روحوا بدلوا
بعدما كملوا طلعوا لمتنزه كلش حلو ظلوا هناك فترة تغدوا وارتاحوا وظلوا كاعدين يسولفون ....
العفو بلا زحمة بس اريد اعرف منين يطلعون لمستشفى ال......؟
التفت وسام للبنية وجانت قلقانة كلش مبينة ...
اي تعالي اني اوصلج منو المريض عندج ؟
امي هسة تخربطت تسلم الله يخليك بس بسرعة فدوة...
وسام وصى اهله ما يتحركون ابد الا هو يجي راح وية البنية اخذوا امها للمستشفى بسيارته وظلت هي يمها هو اترخص منها شوية ....
رجع لاهله وصلهم للبيت وامن عليهم ورجع للبنية يطمئن عليها ....
ها بشري شلون صارت ...
ما اعرف تكول الدكتورة الضغط هابط كلش ...
يلا ما بيها بس العافية ...
شكرا الك على تعبك وياي ما قصرت ...
العفو ما صار شي...
بعد فترة امها ارتاحت شوية رجعوها للبيت هواي شكرته امها ورجع هو لبيته ....
رجع تعبان مباشرة راح نام ....
بعد ما كعد اطلع على شغل منصبه الجديد وظل يقرا هواي حتى يعرف اكثر واكثر ....
بالليل كعدوا للعشى كلهم وسالوا على البنية شلون صارت امها كللهم زينه الحمد لله ....
يمه وسام بارك الله بيك على موقفك اليوم الله يحفظك وليدي ....
الله يخليج يمه ...
يمه ما قررت تزوج ترة اخاف اموت وما شايفة اطفالك ....
يمه شنو السالفة عمرج طويل ان شاء الله وبعد وكت للزواج بعد ما شايف وحدة صدك تصير شريكة حياتي واهم شي ادير بالها عليج وعلى اخواني ما عندي اغلى منكم حبايب قلبي ..
يمه براحتك ما اريد اجبرك ...
نورة ....وسام اني اريد اشوف جهال اخوية
وسام ... نور اسكتي احسن
نورة ....خلاص سكتت يلا
كملوا عشاهم وراحوا ناموا .....
الصبح كعد وسام وكعد اخوانه يرحون لمدارسهم وهو راح لوظيفته بعدما ما امن امه بالبيت وطلع ....
شنو رايكم حبايبي بالبداية اتمنى عجبتكم
انتظروا الجزء الثاني ....
الجزء الثاني
http://dorar.at/t/960804
دمتم بخير حبايبي
احبكم
زنبقة الغرام
رد مع اقتباس
المشاركة الأصلية كتبت بواسطة زهرة اللوتس .
