مر قطارك........ماتناني
مر قطارك........ماتناني ..!!
والهوه يهفهف...جزاني !!
الخاطر الله....اشگد بچيته !! ومابچاني
چا بعد....وتريد اتاني؟؟
العمر..سلّس بلسنين..اشلون لوظلت ثواني
وليش اتاني..!؟
الشمع لو خلصت ادموعه..........
ايبات جثّه ويشبگ احضان الصواني !!
ومر قطارك...!!
ليل..يتّچّه اعله ظني....!!
ونتظارك......
فرهد أحلام التمنّي..!!
وياعذابك...!
منجل ابحظن السنابل..
ياكل ابروحي انتظار..............
وماشبع عظات مني .........!!
وطشّت الوادم يخايب
والمحطه.. سدّت البيبان عني ...!!
والسچچ...زاحت تعبهه...
وگامت ابطوري تغني ...!!
وكلشي البروحي تبدّه.........اي تبدّه !!!
وصرت ماي ابرمل چني......!!
وكابرت..!
وشكابرت؟
بس غيمه طاحت...
والفشل ذوّب شمعتي...!
ومنهو گال ابنار ذابت .....؟؟
وحترگ كل شي اعله چفي...
وريحة الشعواط فاحت!!
شفت وادم......
تاهت ابحظن الملاگه...!!
اوادم ابلاحظن تاهت ....!!
ناس تضحك......!! ناس تبچي.........!!
وناس من همهه استراحت!!
مر قطارك....
لنهه روحي الوكحه خرسه... !!
خرسه من شوگ انتظارك
من رصيف الماشبگ رصعة خيالك
من كحل مغتاض... مالاگ لسمارك
ونته وين ؟
اتريد وين ؟
الياكتر...... شايل اهلالك ؟
ونته وين.....اتريد وين...؟؟
هذا محرابي اعله طولك
صللّي....كون تريد دين..!!
وخلّي غيمك.. يترس اكتاري خضار...
الفرگه گيظ..وعطشت ابشفتي السنين!!
والحنين... ايفززّ ابعاگول صبري..
وصبري...مايحمل حنين..!!
ومر قطارك....
وانه رديت اعله دربي..
ابلا جدم زفني الونين..!
وماگلت...........باع وشريته !!
ولاگلت...........حنظل لگيته !!
ومدري ليش...!!!!!
الحنظل ابريج الملامه ايصير تين ؟؟
ومدري ليش....!!!!!
اتخضّر اعروگ ابغربتي لو خبط چفك الطين ؟
ومدري ليش...
ومر قطارك..........
كاظم العطشان
رد مع اقتباس
