هذا دمعي و مو فصل خاطر يطيح
هذا دمعي و مو فصل خاطر يطيح..!
يجوز عد غيري الدمع يجفونه ماي ..
الجنت ابردنه بنفخ گد ما عزيز ..
زحمه من يروح اذب ضيمي اعله ناي ..
الما تجيبه المشية اجيبنه برصاص ..
اخواني كلفين وتهد وادم وراي ..
وانه مو ﭼـنگال احط براسي ذيل
خلي يسوه العركه ما بلل ضمــاي...
اليوم اسويهم بدو ما خــلي باب ..
السود اوكلهن صفر واحرگ سمــاي
الذيب ما يستكفي اذا غط الحلال
وخاف وادم تنذبح مو مشتهاي ..
واحنه معدان وعركنه يخر زراگ
وهذا دخان العرك تارس هواي
الناس من تالي الـ اجت شحسبها شيب؟
وهسه عطوه اتريد من غبر ضواي ..
الدله منتظره منو .. اليوم اعله نار؟
ما نشد واحد حـﭼـوا بس بگفاي
اشما اﭼلبلي بـ ظهر ينشگ قميص..
وكلها تشرد هيه جا وادمنه هاي ..
و اعله كيفي براسي احس مشية عرس
اشلون وانه ايس العمر خلص غطاي
وانه مطرة وصيتي يطلع من اطيح ..
من اطيح الـ خلي يصعد مستواي ..
ابيض يصير الجلد لمن يموت ..
ولذة الحيطان من تجفي الفياي ..
السهم بالنص من گعد ما شفته شيخ
اليرضه خله يروح يستاهل گفاي ..
علاء المغشغش
رد مع اقتباس
