هلو
اني يسموني( Diabetic foot)
مرعب الناس مدمر الاقدام اتواجد بس بالقدم هدفي امزق انسجته واشوه شكل وتركيب القدم وبكيفي عرفتوني مو اني مرض القدم السكري ها ها ها خل اعرفكم ع نفسي احم احم
اني اصيب الناس العدهم سكري فقط اموت عليهم ..
الشخص من يصير بي سكر اني ما عليه بي بس بعد فتره حوالي سنتين الى 3 ابدي اتقربله
بس اني قبل ما اجي واشرف القدم انطيكم خبر (اعراض) وهاي الاعراض كالأتي
من تمشي وما تحس بقدمك معناه اني بالطريق
من تحس قدمك مره بارده ومره حاره معناه وصلتلك
من تشوف روحك كل شويه تريد توكع وما عندك القدره ع التوازن معناه وصلت لفرعكم
من تحس بألام متكرره بقدمك بدون سبب معناه اني واكف كبال بيتكم افتحلي الباب
هسه تزعلون مني اكيد ودكولون عمو Diabetic foot
شرير ويأذي الناس تره والله اني حباب بس انتو تجيبون المرض لروحكم وهسه اثبتلكم انو السبب من عدكم
اسباب وجودي كالأتي
السمنه
التدخين
شرب الكحول
المشي حافي
عدم الاهتمام بالقدم
حدوث اصابات متكرره بالقدم
عدم ارتداء الاحذيه المناسبه
تنظيف القدم بصوره خاطئه
هااا بداعت اهلكم جاوبو منو السبب اني لو انتو مهملين واكو اسباب اخرى مثل
ارتفاع مستوى السكر بالدم
وهاي هم بسببكم لان تاكلون لحم وتمن وشوكلاته وعصائر وتحطون سكر زايد فأكيد يصعد السكر بالدم
العدوى الجرثوميه .
هم ما عليه انتو مهميلين المفروض تبتعدون عن المرضى .
ارتفاع نسبة الكوليسترول
Hypercholesterolemia
هم ما عليه انتو تاكلون دهون هواي وتخلون الكولسترول يرتفع هو منا يريدله حجه عليكم
وهسه اثبتت الكم انو اني مرض كيوت وما أأذي احد بس انتو مهملين حافظو على نظام صحي واهتمو بأقدامكم وصدكوني ما راح تشوفوني ابد وطبعا اكو اسباب اخرى لمجيئي مثل
ضيق وانسداد الشراين
التهاب الاعصاب الطرفيه
اختلال وظائف الجهاز العصبي السمبثاوي
والبارا سبمثاوي
رد مع اقتباس