مرحبا
اني حبيبي طلب مني صور بس هاي الصور اني صح دزيتها بس مراضيه عنها لان جانت مو من عادتي ادز هيج نوعيه من الصور يعني اني احبه واريده بس هو ضغط عليه حيل .. مشكلتياني حيل احس نفسي مؤمنه وقريبه من الله بحيث دوم اسولف واشكي اله بعد ما دزيت الصور حسيت نفسي مسويه شي غلط الله ما يرضى بي وصرت استحي احجيله واستحي ادعي وهاي الفترة حيل مبتعده عن الصلاه والدعاء لأن الصراحة خجلانه من ربي جنت من ادعي احس نفسي نقيه لذلك يسمعني بس هسه ما ادري شنو الي صار بحيث اخجل من الله بشكل كبير
اني من تصير مشكله بيناتنه اني والي احبه احس نفسي كلش مخنوكه وادمر دمار قبل جنت من اضوج اصلي وادعي واصير قويه بس هسه من نعوف بعضنا ما ادري المن اشكي صراحه احس نفسي ضايعه احس ما بقالي باب أخذ منه قوة
اكتبولي شي ينصحني أو يساعدني
رد مع اقتباس
..
