طاري الشوگ
عرفتك من صدگ کرهیت طاري الشوگ
میت گلبك... . .. وینرادلك دفان
گَبل حَچیك إمنهتَز راسك إفتهمیت
رایح ینتهي البیناتنه إحنه الچان
طیر العاشگ الشجره إیعرفهه شلون
بدایة فرگه اذا شاف القصن ذبلان
إمخلفتك شته کل هل بروده إمنین
حسبتك حظن دافي وجیت نص إردان.
أنه تفاحَت آدم بس کلاني إبلیس
گلت بلعافیه إتراوالي وجه إنسان
لاکن مو غشیم الغشمه هَبت ریح
أعاند ریح لو چنت إبجسم دخان
الناعم بالسوالف لدغته إبکلمات
إمنثر لدغات حچیك بلظَهَرنیشان
ماحِبن إلمردي المردي یطعَن مای
تعجبني السفینه الحاظنه السفان
الماراضع إحساس إمنلحساس إیضوج
فَرق بین الوَرد وی لَمست السندان
کل بلبل نبي إبراس الحدیقه إیصیر
اذا تکتل البلبل کاتل البستان
سوالف مانلتهن مثل محبس بات
ماتن کلمه کلمه إبتأشرت خرسان
أنه الخاطر النورس بحر شلت الروح
وإغراب العُمر جبتَ العُمر حَزنان
وصرت یوسف فقط ماجربیت البیر
وإبحبک فقط ما جَربّت زنزان
وآنه إنغد قَمیصي وچذبتنی الناس
ماعدهه حلگ وإتجاوب القمصان
ولا آنه نبي وینزل وحي ویگول
سولف یا طفل بَرّر وگول إشچان
وهذن کلهن عِفتهن ونعِفت یاحیف
ربح طشیت وکتي و صبحت خسران
أنه إوشالت حَبل صَبحت خیط إرفیع
من عندی وخذوهه إحچایت التعبان
أنه (مالوم) بس (مالوم) من إهوای
متعذب لچن بالعشره ما ندمان
إبحیطان المدینه إبکل شبر ذکراك
أشمهن من أمر وشبگ علی الحیطان
أسدن اعیوني أفک إعیونی أفکر بیک
واقع حال عشته وموش حچی السان
صاحبت إشکثر لیل و سَهَر وإدموع
دخان و دمع بس ما إجه
رد مع اقتباس
المشاركة الأصلية كتبت بواسطة فقار الكرخي
