هنا

[فقار الكرخي]

الجفوف العاشرتهن
كبل جفك .. باهتات
بجفك ملوحة شلب

وبروحي شوك سنون منجل ..
خل أحصدك ....

خل أغرز بيك لآخر مشتهاتي ..

واختصر بشفايفك معنى العطش

عمري 6 آلاف خطوه من القحط
وانت حدر زلوفك
تخضرّ محنه

وشوكي أبد مابيه دغش ....

لاتّيهني الليالي العشت بيهن موحشات .
بروحي صفنة بوم
والدنيه خرابه ....

والرمل غطه الدروب
ولو شفت وجهك أغرد

شلون مثلي بشوك مثلك مايذوب ؟؟
شلون أتوب ؟؟!!

حتى لو طولك سراب
بمشتهاتي أشرب سرابك
انت حيّ على الحياة

اوذان روحي يصيح بيك ....
مشتهـــــــــــــــيك

بكثر مابالناصريه هموم
وبروحي حزن ....

راكد بروحي الرماد
وانت مدري منين اجيت
تريد تنفخ صور بيّه
وتبتدي بروحي القيامه

والذنوب البيّه كلها من الكبائر
حبي الداخل حسن ..
وانتمائي الناصريتي
وارتدائي الخاكي أيام الشباب

الملح زادي ....
والخمر بيه أسكي صحراء القصايد

والشعار الشايله
يناقض قوانين الحكومه ..

الحب وطن
والنشيد الوطني بيه .. حاسبينك ..
والفرات
يصير شاعر
من يمر بالناصريه





لطيف العامري

[مِـيهہرَمــآهہ ♬✿]

تشكرات هاد مشاني

ميغسي

[انثى مخمليةة]

شكر جزيلا للطرح القيمننتظر المزيد من ابداع مواضيعك الرائعه
تحيتي وتقديري لك