هنا

[فقار الكرخي]

انه مو ذاك
الهني
المرتاح
انه مخلص الدنيه بضحك عابر

اغفه حاير واكعد من الصبح حاير

انه مشطوب عله اسمي من الدفاتر

انه مكروه ولاواحد يريده
حفنة تراب انمسح من المناير

انه الضلوعه تحت جدم الخيول
بكل ضلع مطبوع حافر

محد يدليني ب الحض ومكانه وين صاير
الباب اذا مفتوح مو اله تجيك الريح منه
الريح لليهوى تجيهه من الستاير

من طحت ب الدنيا ابجي
ابجي ماادري عليمن
اني يكتلني اليكلي لاتهم ترتاح باجر

مال واحد يركض لباجر يبوسه
بلكت يرفرف علييه كليب باجر

ليش ياكلبي قبلت انسحك يمهم
ليش ياكلبي صرت مثل الكناطر

ذني كلهن بس بعدني
مااحس كفيت روحي
ولاحجيت البيه صاير

مره منهن اكو للحب خارطه وكلش جبيره
انرسمت بفيض المشاعر
اليريد يفوت سهله
واليحب اوليفه يوكف ع السره وياخذ تذاكر

اني مشتاك لحبيبي بس هضيمه
من وصلتلهم بعد ماكو تذاكر

موش هذا الوكت وكتي
من تخضر ب السما الحنطه واجوع ...جناح ماكو
ومن تخضر ب الارض ...تلكاني طاير





م

[اسرار الكون]

صح سوداوية بس حلوة
عشت ع النقل
..

[رئاب]

مشكور ع النقل

[انثى مخمليةة]