أحاول ..
وبمحاولتي نهاية لقصتج وقصتي ..
واذا صح للعشگ شراي..
ابيع شلون مابعتي
أحاول ..
وبمحاولتي نهاية لقصتج وقصتي ..
واذا صح للعشگ شراي..
ابيع شلون مابعتي
رسالة أم
يبني خنگو كل ضواي
وذبحو بصينيتي شمعه
ووجهك ال يضحك ييمه
مغنتب ومابيه لمعه
والگمر شد نگله جاي يشيل
ضل بلا ضوه جا شنهي نفعه
والبستان ذاك مصوفر
ومسلول زرعه
والعگارب ينگط ابكل درب سمها
وعدنا محسود التلسعه فرد لسعه
والسلف ياكل لحم موتاه يبني
مالگه الخبزه التشبعه
وذني حلوات السلف باگو كحلهن
والرمد طش وترس كل عين وسعه
""..عيوني ما تجذب عليــٌه
العسل يم الإشاره
جدٌى منـٌج .. كِسَر كَلبج
وأخذ من خدٌج حـــــــــلاه
الله .. الله إشهل حلاه
الشكر..
ماجان مزروع إعله كَـــاع
أرض خصبه للشكر هاي الشفاه
اشتاكلي..
المشتاك يطفه ابماي عينه ..
ويشتعل ابجروح اديه
ويضحك ابوجه الضنون..
ابغير كلبه ويبتشر والبيه بيه
اشتاكلي
الماي يعثر عالجروف وداع صدفه ..
ويعتني الهرش اليبس
مايعتنيه
اشتاكلي
ما صبرتي !
صمتي رمضان العشكَ وبزاد شماتي فطرتي
و الف اية شوكَ رتلهه الكَلب
لعيونج او بيه كفرتي
ماصبرتي ؟
ها وصلتي اسبعطعش ؟
و بعين المرايه كبرتي ؟
وانتي غيمه اتبخرت بدموع عيني
و ابزرع شامت مطرتي
و سرج ابكلبي دفنته
و انتي العله سرج حفرتي
همه مو غربه
الرموك اعزاز
بـــــ§ßãـس گلبگ غشيم
كَطريت ابحلكَ عمرك
مي شبابي الجِان صافي
وبجزيرة شوجِ كَلبي
الخاطرك مشيته حافي..
شابكَت فكري وخيالك بالليالي..
وفززت تذكار غافي..
وثلجت عيني ابشتاك وما اجيت ابطيف دافي..
واني ثلث اسنين اتاني
اهجس ابروحي الصبر ياكل واكَله اشبع عوافي
غازلت طيف المحبه..
ركَصتلك بالدواوين الخضر كل القوافي..
واملت روحي ابوصالك..
كَلت يذكرني ويجيني
بس تعالو. .
ولو إجيتو. ؟ كل عزيز بعمري. .
اطشنة فده لعيونكم
اهداء للعزيز فقار الكرخي
مشتولين
عاشرنه النده مفرعين
ولاگينا السموم ويبس عود التين
غدينه تراب ومتانين
اي والله......
گتله شسمك ....؟ گال داوي ..
گتله گلبك .......؟ گال عاوي ..
گتله شتحب ....؟ گال معلاگ وچلاوي ..
گتله طورك ......؟ گال أحب أمحمداوي ..
گتله وصفلي حياتك ....؟ گال أحزان وبلاوي ..
گتله وين أتريد تفتر ....؟ گال بالنهضه وعلاوي ..
گتله شتحب هسه تسمع ...؟ گال هوسات ونعاوي ..
گتله طَبعك ..؟ گال صامت وأبد ماحب اللغاوي ..
گتله هم تشتغل تَكسي .....؟ گال تعبانه الكَراوي ..
گتله أخر كلمه عندك ........؟ گال أروحلك فداوي ..
