ومره شفتج مدري شنهي ...
لو معابر ..
لو قطار ايوصل اسنيني لمحطات الصبح
ومره
لومرتين شفتج
طير جاي امن الجزيره
وحط على اعيوني
ونكت بيهن ملح
ومره شفتج بيد غيري
امرايه..
راوتني حزن روحي الغريبه ...
وزتت اضنوني بتوابيت
الصبح .!!! الكبير كاظم اسماعيل الگاطع
اقوة من هواي ناس
واقوى مني ..
علمتني اسكت واغمض
والصبر طال وكتلني
علمتني دروس مرة
وبين يوم ويوم
بدروسك تجي وتمتحني..
تكتل المكتول .. تبچي
ومن تكف الناس فوگ اجنازته
توگف تغني .!
وانت قصتك مدري شنهي .??
تريد اعيش بثوب واحد
ما ابدل ثوب حزني
بداخلك ما ادري شنهي
تبتسم لمن تذلني
ومن تدنيت واجيتك
گلت اكثر تدني
فد قدر گلش غريب
الشمس لبعيدة وتكللهه دني
شگد نخيت الاقوى منك
سد اذانه وما سمعني
ع الجرف وانتظر موتي ..
خاف تيارك يجرني
اغدرت بالجان گبلي
والسرة يمكن وصلني
وما احبك يالزمانك شجرة
وابابك شتلني
غلطة جابتني اعله بابك
والذياب النايمة ابابك كلني .
وين صبّح؟
مدري والله..بليل مظلم فارگيته
وين مسّه..؟!
من طلع ماسد وراه الباب
لكن بالدرب هم بمشيته
دوره..؟
-كَتلك مالكَيته
شوف كَلبك..؟
جان كَبل سنين بييته
شوف صدرك؟
يكره المصدور ريته..
شوف ضلعك؟
مثل عود العنب يابس
وايست منه وطويته
دوره؟؟
كَتلك ..مالكَيته
ليش عفته؟؟..
اعطشت مره وماسكَاني..
وعطش مره ومارويته
شوف صندوك الاسرار
بدون رزه
وكل حجي البيهن حجيته..
شوف عينك؟
ماكو بيها..
شوف عينك؟!
جان بعيوني وبجيته.
زين ماشافو النار
وفطنوا السلة متاعك
زين ماشافو ادموعي
جالكَو بحر الدمع تابع اشراعك
زين ماشافوا ازنودي
جالكَو شبكَة وداعك
زين محد منهم أشتم
ريحة البوسة اعله خدي
وعالصدر دفو المكان البي
اذراعك
اسهر بفنجان فارغ
واكلب الروح اعله نارك
بسمك وطشيت حرمل
وزوكت خدي بشرارك
جنت مافطن الحسنك
لجن بّينلي البعد
كل الجمال بسد سمارك
ليش؟؟
وانت بعيد احبك
ومن جنت وياي
كل ساعة انتعارك!
چنه نحلم
چنه واحنه صغار
كل عصرية نلتم
نلبس اجناح الگواغد
نرگض وي الغيم حافين
وعلينه الليل يلتم
چنه نحلم
كلشي اتوقعت بس نفترك لا..!!
جانت حسبه سهله ومحسبتهه
جانت قصه حلوه وبيها احلام
اجيت بنفط هجرك وحركتهه
تذكر من رسمنه اعل الشجره كلبين
خيطت الجروح من ارسمتهه
وعد انطيتني نبقى احنه للموت
حب عشرة عمر دايم قدرهه
))امد ايدي من الشماته خاطر تعود
صلف جف ايد قلبك ما شبكهه
متت وياي من أول
وتريد اتعيش من تالي..
كتلتك .؟؟
جا صرت مثلي.؟
وتريد اتصير جتالي
أحسكّ ظل يرافگني
ويكبر من تجي الظلمة...
يصير اخيول وحشية
وتطاردني.
هذا شاهدك يحسين موجود
بقه مجدك ومجد اعداك زائل
المن گاصدينك هالملايين
والمن فارشه الگاع العوائل
نور بحضرتك يطلع بالغروب
شمس وانطت ظهرهه للسنابل
ريحانة الزهرة وعلي الكرار
داحي الباب حلال المشاكل
ابد والله ماننسه حسيناه
هذا بكل زمن تحصيل حاصل
هاي الغانمة بكل الحسابات
يلما وصخ ابهامك تنازل
من طاحت الراية امن ايد عباس
بحضرتة اليوم تنشال بهلاهل
راسك من تعلى فوك الارماح
ظل راس الزمن لليوم نازل
بالطف استقام الدين يحسين
لولا الطف بقه الميزان مايل
يتبع
العزة مسجلة بلاءات الطفوف
وعيالك سبايا اعلة المحامل
العزة بقافلة زينب الى الشام
والسجاد عالنوگ بسلاسل
العزة بدم رضيع انكتل عطشان
وبجفين منك يابو فاضل
العزة غالية وماتحصل اليوم
لان يردونهه بلية مقابل
زنجيل الأثم ملفوف عالگاع
كل احنه اشتركنه بيوم عاشور
موبس الشمر يحسين قاتل
صلينه ورة مسلم صلاتين
والباقين ضلو بالمنازل
اذا جتك رسائل منا يحسين
بعد يحسين لتصدگ الرسايل
اجة مظلوم للمظلوم ينخاة
ويشوفه السهم ليوين واصل
ليش اتغيرت يابو علي الناس
وعگال البخت عالراس مايل
ما واحد يعاين حالهه الناس
والضيم بجرفهه اشلون ياكل
ما واحد يعاين حال الارهاب
وابو سياف هذا انسان باطل
خجلنه ومستحانة ابهاي الايام
درب العوز عثرت بي اصايل
هذا البفرات تشوفه مو ماي
عرگ من كصة التاريخ نازل
الـخالد كاظم اسماعيل الگاطع
