هنا

[EV ']

شرد اعدد يالصفاتچ كــــــامله
وحامله من الحسن محد حامله

جاذبيه بدمچ اتــــوگع الطيور
شگد خفيف شلون ربچ عامله

دمع عينچ يختلف حالي بحلاچ
خدچ امــــــــورد كثر ما هامله

گيمر لخلگ الله خدچ ضل يبيع
واحنه وادم نشتـــري ومنعامله

كون كل احلامنا بطيفچ تصير
نرضى لو واحــدنا قرن ينامله

[سمراء من قوم عيسى]

‏يناعور التعب بسك
تترسنه وتبدينة

ولك بلعشرين ردنة
انكوم ما عانتنه رجلينة..

[نبــ§ــض* القلـ§ــ§ـووب]

افتتاحية
تعلمنه من اهلنه ..
انشد على الرگبة ..
خشب واحبال ؟!
خاطر من تجرهه النايبات بيوم ما ترگع .
الكاطع

[نبــ§ــض* القلـ§ــ§ـووب]

متت وياي من أول
وتريد اتعيش من تالي؟
گتلتك..
چا صرت مثلي..
وتريد اتصير چتالي ؟
أحسكّ ظل يرافگني
ويكبر من تجي الظلمة...
يصير اخيول وحشية
وتطاردني...
أروح الوين؟؟
رحت لكل مكان وسيفك اگبالي
أروح الوين؟؟
إلا اشلع جذر گلبي بشرايينه...
واجمع نار واحرگ كلشي
من بالي...
يتبع

[نبــ§ــض* القلـ§ــ§ـووب]

أحسّك ظل يرافگني..
يضحكني.. ويبّجيني
يسّكتني ويحّجيني..
أروح لوين؟
شكثر من بحر؟
ذبّيت بي روحي...
ولكيتك عالجرف ...تابوت تبرالي!!
أحسّك مدري شنهي انت..؟؟
بحر يتبدّه بجفوفي..
واريد اشرب ولا گطره
وَاشوف الروح مثل الروج
تتكسر على الصخرة..
وانه وطرواك..
طاحونة هوى
ايفرنه الهوى العالي...
يا شارع يلمني ابليل...
مامش بيت من سوالفك خالي!!
أروح الوين.؟
شكثر من بحر؟
ذبّيت بي روحي...
ولكيتك عالجرف تابوت تبرالي.!
وعليّ اتصيح :
ضنيت العشگ ورگة رسالة
وتاهت اوي الريح!!
ونه الخنجر دفنته وغلفه الزنجار...
نمت وما دريت الريح..
تاخذ هالرسالة لگبرك السهران
وادّليك بالعنوان...
واتردّك عليّه اردود...غيم وريح...
يا شارع يلمني ابليل
كل كطرة مطر..
صخرة اعله راسي اطيح...
أحسّك ساجية ابلا ماي تتبعني
أمشي وهيّ تتبعني

يتبع

[نبــ§ــض* القلـ§ــ§ـووب]

ادور ..
ياشوارعنه ..
غريبه الناس
ادور ..
ياحدايقنه ..
ذبلنه ..
وصرنه ورگة ياس
وين الگاك ؟
وين اشهگ..
واموت وياك ؟
يالصارن اعيوني ..
بسچتك حراس
امشيلك شواطي الليل
وانت انجوم تبرالي
كل روجه بجرفهه تنام ..
وانت تظل
گمر عالي

[نبــ§ــض* القلـ§ــ§ـووب]

وانه ونجواك ..
طاحونة هوى..
ويفرنه
الهوى العالي
ونظل انه وهواك اندور ..
يا صفصافة الغربه
امس ..
واقلامنه بگلبج تخط اسطور
امس جنه
على بيوت المحله
اطيور
اشد عيوني عالشباج
فانوس لسماك اربه
احس گلبي اليحبك طير ..
طاح ..
بشبچة الغربه
بعيد انت ..
وبعيد اني ..
وكل واحد نصب تمثال
للثاني ..
بوسط گلبه

[نبــ§ــض* القلـ§ــ§ـووب]

وارخص وانشرى وانباع
مدري بيا رصيف تصير شذرات العمر سلعه،

[نبــ§ــض* القلـ§ــ§ـووب]

ياحفنة شذر طرز وجنتة الليل ..
ياضحكات مصباحه
لگيتج يالعله اعيونچ تموت اسنيني مرتاحه
غصن مد ابسواجي الروح..
سباحة .

[نبــ§ــض* القلـ§ــ§ـووب]

مره شفتج مزهريه
وردت فوك الجرح ..
ومره شفتج ليله شگره
سهرتني اضنونها
لوجه الصبح.