بعدي ما تكدر تحب
يتمنالي و اتمناه،
يتمنالي خير و خير اتمناه
جان بروحي امس واليوم منهو وياه؟
بخيته جفوفهم لاحت ضواه
چفه من فراگي متگلي شحواه
يضحك بديرة عشك؟ لو گلبه تاه
لو ضاع بولاية حزينه و غافي بأسمي
يذكر عيوني و نساني شوهدناه؟
بأيام حبنه شكد إجني
منهو هذا يسائلني؟
هذا يل ما تدرن ابني
هذا يغاار من چفي اعله حضني
باجر عيون النثايا تبوگه مني
هو يدري..
بيه شافنه شمعزته
هو يدري شكد عشكته
ان جان ما يدري اعله بخته
و انا ادري..
ينسى كلشي و ابقى سالوفة دمعته
يضيع خلگه و ادري صوتي يرد ضحكته
انا بين سوالفه و رجفة كلمته
و اسمه نومته بصفنتي..
ما يعوضنلك فراغي
شتلگه بيهن؟
هنه فوك شفافهن جم اه مات
و انت صليت اعله شفتي
بصوتهن هم تلكه روحك؟
هم يلمن بالدمع حفنة ضواك
خوفاً احزانك تلوحك؟
بعدي ميندن جروحك
انا ذيج الما درن لچمة جروحك...
انا اعرفك...
ما تنام بفيٌ جذب
بعدي ما تكدر تحب
كل حضن بعدي ذنب
شما تدافع عن ذنوبك ما تحبهن
ماتت الرغبة بضحكتي
شما يشرعنلك روازين الدفو
تشگك ضواهن
و تلگه بعيونك ضواي
فوگ صدرك بعده نايم مستحاي
و چفي ينشااف اعله شعرك
لا تغفر و لا أعذرك
شما تغيب تظل حبيبي
و ما مش احبيبة بغيابي
تبوگ حلمك..
ما الگالي چف يلم صفنتي
و لا چفين لتلمك..
وينك انته...
شكد نشدت الناس عنك
ياهو شايف گمر ضايع؟
يا هو شايف شاب عاشگ
لو ذكرته يچودر بعيني الخجل
رجال لكن لو حضنته يرد طفل..
بيلسان امين
رد مع اقتباس
