هنا

[نسيم العراق]

بنـاتك يا أبو الأحـرار بالهيمه غــدن طشار

زينب من تضل تحتار تلم بيهن تطفي النار

.......

نــار أبكـلبــي يا بــويه ونار أبخيــمــتي تلهب

انه من اسمع صهيل الخيل ألوذ أبعمتي زينب

الشــمر بابــويه يشتمني ويضـربني إذا أنحب

انــه سكنه يبعد الروح عفتني وتدري اتسلب

بيهن ما دريت ألصار

بنـاتـك يا أبو الأحـرار

......

شـوصف حالة الهجموا عـلينه وحـالة التفتر

هـتـكوا حـرمة الإسـلام سلبو خـدري والخدر

طلعنه بلا وعي يحسين أبزينب كـلـنه نتسـتر

وعمتي بلا خدرعـثرت وبسـوط الشمر تعـثر

علينه دارت الأشـرار

بنـاتك يا أبو الأحـرار

......

بعـد عينك يبو الغيــرة نخبــرك احــنه ذلينه

أنـــت ألما جـنت تقــبل حتى الريح يمر بينه

تــروح شلـون تخلـينه بلا شخصك يــوالينه

وتدري بيا شمر بعـدك أنت التــدري يسبينه

وجبال من الصبر تنهار

بنـاتــك يا أبــو الأحـرار

.......

فــرينه وتعــنينه نــدورعالجـســـم والـرأس

لـكـيـنه جفــوف بيه نشــوف وفــه العـبـاس

بس مكطوعه يا وسفه وبصفهه اثر أنفـاس

ورايــة وجــود مــا مـوجـود درع لا طــاس

لعبت بينه هالاقــدار

بناتك يا أبو الأحرار

.....

يبويه حسين شحجيلك عـلينه من وصلنالك

نحوم عليك نلوذ وبيك أنت مكطعه أوصالك

ذلـيــنه نكــلك كــوم كــوم وشـاهــد أعيالك

بويه ريتك انت اتشوف زينب كعدت أكبالك

مسبيه أزغار إكبـار

بناتك يا ابو الأحرار

…..

[اريج الولاية]

احسنت وبارك الله بك اخي كلمات نورانية مباركة
آجرك الله ووفقك بحق محمد وال محمد
تقديري لك

[نسيم العراق]

احسنت وبارك الله بك اخي كلمات نورانية مباركة
آجرك الله ووفقك بحق محمد وال محمد
تقديري لك

بوركت اختي العزيزة وعظم الله لك الأجر وحشرك مع أصحاب الحسين ع