قصيده للنبي عيسى بن مريم (عليه السلام)
يا عيسى ابن مريم والله محتار
حرت شكتب عليك وابتدي منين
بدء البشر نطفة وينتهي ابموت
وانت اول بشر ما مر بالثنين
نعم, شُبْه لهم مولاي قتلوك
شخصك ما يموت وهاي اقاويل
روح الله انت وهذا معروف
وروح الله ما يقبظهة عزريل
فقط بس غائب انت وحتماً اتعود
وعلى هذا الامل ليهسة باقين
نذرت الروح بدروبك يمولاي
وعلى سطوح الكنائس ضلت العين
مشتاكَين الك صدكَـ يمولاي
وتصاويرك هذيجة اعلى الحياطين
محمد (ص) من عرج ما طوّل هواي
بس معراجك انت ايطّول سنين
ارتفعت روحك وظلك على الكَاع
ضل شاهد يدور بظلم السنين
من ترجع يكَوم ويوكَف وياك
ويسولفلك على الواحد وسبعين
ويشهدلك على الطيحو عباس
ويكَلك هذولة الكتلو حسين
احباب الرووووووووووح
منقول
رد مع اقتباس
