شمكعدك ,اطبكهن, نام, لا يعمن
وشد ارموشهن واتركهن يحلمن
وعلمهن يضحكن مثل ضحك الناس
مرة اثنين عشرة المهم يتعلمن
ليل وصور ناسك شاردة وي الريح
وجوه مطشره وعيونك يلمن
وياهو اليدري بيهن وشلن عدمن
وعلى يامال صبن مايهن و المن
شمسهن تعبت وشبرين عنها الماي
واخاف بلا ضوه بغربتهن يسلمن
تكابر , ترسملهن درب ملكه وباب
وفوك اوراق وجهك مدري شيرسمن
شاعر والحزن رايدله عش بي روح
وبكلبك طيور الحضرة يلتمن
عرفتك ما تنام الا اعله شمة جيد
وظنون النثايا بجيدك يشمن
و عرفت بسرهن عيونك " بنات الليل "
يبيعن نومهن ودموع يستلمن
عقيل العرد
رد مع اقتباس
