هنا

[فقار الكرخي]

وبضمير الناس بيرغ حلم طافح مهر حد الشوف يذبح
لم حزن كلمن بلا شاطي اعله موت الروح يسبح
يا صبر وادمنه المذهب مناير
يا ذخر دنيه وتظل نور اليفتش عين حاير
وكت حاير...وبجرف جيتك ازف حزني دمع
نذر صينية الخوف الماخذه الحنه واصابعها شمع
راحت ويه الماي سالوفة ضماير
مشت تفتر ... نذر يفتر .. دنيه تفتر..
حارت بلعب الدواير
مزنه حمره وگلب دنيانه عطش
كلمن بجرحه غبش
ياشوفه التريع الروح
يا ماي اليگلك هاك باجر والثجيلة تروح
ياوينه اليگلك هاك؟
( يا صاحب ) بچت مهضومه كل دنياك
واتعناك... يلتغسل دهر يمناك
يا نگلة غضب ماجاي ... شيلة راس
يا صبر ( المسيح ) وشيمة ( العباس )
ياسيف اليصفي الناس من الناس
ياماي اليمر بيها.... دمر بيها كتلها الگيظ
دنيانه عمت والشوف چلمة غيظ
رد الها النذر الأخضر
تراها بغيبتك تفتر.. تضل تفتر.. حزن يفتر لمن سيفك يزيح الشر





علي الشباني

[انثى مخمليةة]

الف شكر لكِم على الروعة وجمال الانتقاءسلمت يداكم على طرحكم الاكثر من رائع
و الله يعطيكم الف عافيه...
وفي انتظاااار جديدكم...