هنا

[د. حسن سعيد]

سلام عليكم:
يجوز شوية هالموضوع غريب، بس صراحة صرت أشعر بالملل بعض الأحيان.
كلنا منحدرين من عشاير ونرجع لأنساب مثل الشِمَّري والزُبَيدي والرُبَيعي و... ومن العشاير الموسوي والحسيني وباقي الأنساب اللي ترجع إلى النبي وآله عليهم السلام، لهنا ماكو مشكلة كلكم تعرفوهن .. وكلنا نعرف اليرجع نسبه الى النبي وآله عليهم صلوات الله يسموه (سَيِّد) هاي هَم أوكي، حسن دوختنا لعد شتريد ؟
المشكلة مجتمعنا يطلب من السيد يصير معصوم يعني لازم ميغلط ولا يتنرفز ولا يسمع أغاني ولا ... وإذا غلط غلطة بسيطة رأساً يكولون ( مو أنت سيد شلون تسوي هيج) ، على سبيل المثال بالاعدادية من جانو يشوفوني أسمع أغاني كم واحد يكول (مو أنت سيد شلون تسمع أغاني) ، ما أدري ليش المجتمع ميتقبل فكرة أن السيد انسان عادي مثل غيره بيه الزين وبيه الشين .. بيه العالم وبيه الجاهل ، بس الفرق نسبه شريف ، والمفروض المجتمع اذا صدك يعرف حقيقة الدين لازم يتذكر أن العبرة بالتقوى والعمل مو النسب.
تحياتي وسامحوني على الإطالة.

[دكتور جميل]

صديقي العزيز، احب ان اوضّح نقطه مهمه بخصوص العصمة ، رأيي الشخصي هو ( ماكو إنسان معصوم ) كل إنسان مولود من رجل و إمرأة هو عرضة لارتكاب الخطأ ، لو مو سيد ولا حتى إمام ولا حتى نبي.
الكل قد أخطأ والكل نخزهم الشيطان .
تحياتي سيدنا المحترم

[محمد صبيح]

بلا فصحى ماكو داعي
المُشكلة بالثقافة يا اخي .. اني شسوي بالسيد اذا مثله ك مثل اليهود .. نحن شعب الله .. مانزوج العامي ولاناخذ منه ، الأغلب طبعاً ما اعمم
المشكله بالناس الي ماعدها شخصية .. صارت تنتسب لنسب النبي بالغصب والتزوير .. يتصورون انو شخصيتهم تكتمل وجاههم يرتفع
على العكس .. السيد الحقيقي الي ميتعالى ع الناس .. وياريت لو يتذكّر انو ابو لهب أيضا سيد !
السيد بوقت صدام كان عزيز لان قلة وكان المجتمع يشوف بيهم عروة الدين .. لكن بعد السقوط صارت حواسم وحتى الأنساب اتفرهدت
فالغاية والقصد مو انتماء للنبي (ص) الكارثة يسترزقون !
الانسان سيد بأخلاقه

[اسرار الكون]

وعليكم السلام..

انا برأيي مامجبورة اتخذ منحنى غير منحنى حياتي ، تصرفاتي ، اعتقاداتي ، او حتى اشياء تعجبني اسويها ، دام ماضارة احد ولا متعدية على حدود شخص ثاني ولا حتى اخدش حياء من يشوفني او يسمعني )) ..اعتقد كلامي الملون واضح اقصد شنو !

كلام الناس ماينتهي و مايأثر اذا ارتبط اسمك ب (سماع الاغاني ، او اشياء من هالقبيل ) ف السيد بمثل هالحالة فقط اسم ، لان لو يعرفو معنى "سيد" كان مانسمع منهم هالكلام ، فَ من المفترض مايتأثر المجتمع بكلام ناس ماتعرف معنى ماتقول

[حہيہدر الہبغہداديہ]

أخي حسن ممكن اطرح سؤال بما انك فتحت موضوع عن سادة آل البيت
والذين يدعون انهم احفاد النبي

فقبائل آل البيت من القبائل المشهورة بجزيرة العرب بعراقتها وآصالتها

وهم أهل حكم وسيادة ولهم تاريخ عظيم ولهم ايضا مشجرات نسب خاصة بم

تبين انسابهم الشريفة وبامكانهم كشف اي دجال يدعي كذبا الانتساب اليهم


السؤال الذي يطرح نفسه الان ....واوجهه للسيد حسن او لا اي سيد آخر ؟

هل قبائل آل البيت سنة أم شيعة ؟

[Nazkul]

صديقي العزيز، احب ان اوضّح نقطه مهمه بخصوص العصمة ، رأيي الشخصي هو ( ماكو إنسان معصوم ) كل إنسان مولود من رجل و إمرأة هو عرضة لارتكاب الخطأ ، لو مو سيد ولا حتى إمام ولا حتى نبي.
الكل قد أخطأ والكل نخزهم الشيطان .
تحياتي سيدنا المحترم

شنو دليلك على هالكلام ؟؟

[ضياء المالكي]

تحية لك من القلب استاذ حسن
كرامة السيد محفوظة عند الناس لانه اسمه يرتبط بالائمة المعصومين من الناحية النسبية
اما من الناحية الايمانية كل أمرأ بما يعتقده ..
العباسيين هم اعمام الرسول ولكن مافعلوا من جرائم ومصائب التاريخ يشهد بذلك
هناك حادثة يقال ان الشريف الرضي عندما كان والياً عندما يقدمون اليه هاشمياً للجلد
على ما ارتكبه من معاصي يجلده ضعفين على عكس باقي الناس
قالوا له لماذا قال لهم لانه هاشمياً الجدير به ان يتسنى بجدة رسول الله

[د. حسن سعيد]

أخي حسن ممكن اطرح سؤال بما انك فتحت موضوع عن سادة آل البيت
والذين يدعون انهم احفاد النبي

فقبائل آل البيت من القبائل المشهورة بجزيرة العرب بعراقتها وآصالتها

وهم أهل حكم وسيادة ولهم تاريخ عظيم ولهم ايضا مشجرات نسب خاصة بم

تبين انسابهم الشريفة وبامكانهم كشف اي دجال يدعي كذبا الانتساب اليهم


السؤال الذي يطرح نفسه الان ....واوجهه للسيد حسن او لا اي سيد آخر ؟

هل قبائل آل البيت سنة أم شيعة ؟

أعتقد سألت الشخص غير المناسب، ممكن غيري من السادة المطلعين هنا يجاوبك ، لكن آني ما عندي معرفة بالأنساب ولا اهتمام بيهن لذلك ما أكدر أجاوبك تحياتي

[د. حسن سعيد]

صديقي العزيز، احب ان اوضّح نقطه مهمه بخصوص العصمة ، رأيي الشخصي هو ( ماكو إنسان معصوم ) كل إنسان مولود من رجل و إمرأة هو عرضة لارتكاب الخطأ ، لو مو سيد ولا حتى إمام ولا حتى نبي.
الكل قد أخطأ والكل نخزهم الشيطان .
تحياتي سيدنا المحترم

حياك الله دكتورنا الفاضل، احترامي لرأي حضرتك بس قضية العصمة مثار جدل واختلاف بين فقهاء المسلمين قسم أخذو بيهة وقسم رفضوها

[سـمــيــر ..]

وعليكم السلام

صديقي العزيز كلنا من طين يعني سواسية وببساطه اضربلك مثل ..

يعني اني مثلا من عشيرة فلانيه من غير مسميات .. وهذه العشيره معروفه سابقا بأنها معروفه في الطرب والغناء . (كاولية).سابقا من سنين طويلة

وانا الان في وقتنا الحاضر من نفس العشيره .. يعني لازم اسير على نفس نهجهم اطرب واهز .. ميصير اصلي واصوم ..؟.......

يا حبيبي مثل ما كتلك كلنا سواسية والله يقول في القران الكريم

(( إِنَّ أَكرَمَكُم عِندَ اللَّهِ أَتقَاكُم ))

تحياتي لحضرتك