هنا

[فقار الكرخي]

شوكت بالجامع يرسمون عيسى ؟
شوكت يضحك محمد° بالكنيسه

شوكت يرجع عشكنه من المحطة
شوكت يلمع سمار الكاع حنطه

شوكت يلكه الوطن طبابة الخير
شوكت تغفه البلابل عالشواجير

شوكت تكسر الدمعه رموش الأيتام
شوكت نحسب نجوم السطح وننام

شوكت يضحك ابوي وأمي ترتاح
شوكت نحلم حلم خالي من الصياح

شوكت نلكه الرسايل عالشبابيج
شوكت نرجع لفطرة وادمك ذيج

شوكت (مساكم الله) بخير تنكال
شوكت لو طب جبير نصير تمثال

شوكت وجه امي يصفه من التجاعيد
شوكت نرجع نحس بلذة العيد ؟







محمد الموسوي

[اسرار الكون]

مثل ما يگولون " الشمس في جوف الظلام ستنتصر "

مشكور ..

[علي الازيرجاوي]

الله
شوكت يرجع عشكنه من المحطة
شوكت يلمع سمار الكاع حنطه

[هيام ابراهيم]

الله ع الذوق

[انثى مخمليةة]

طرح رآقي وأنتقـــاء مميـــز ومجهود رائـــعالله يعطيكـ العافيه يااخـــي
لـروحكـ السعاده الدائمــه