أثاريّك نهر ما يعرف ايتاني
أثاريّك نهر ما يعرف ايتاني
جبت عمري حضن جرفين ألمّن بيك ، وانتَ اشْما يشم گلبك رخاوة گاع تنساني
يشيطاني ، أو تراتيل الخمر والدين والسلطان والأشعار ، من ايمر قميص ابزحمة الألوان أگول الكحلة نيشاني
أو من تطفى الرصاصة ابحنّة العريس أگول الدنيا بدوية
وأگول الينتچي إعله الآه يلگى الناس مو هيه
واليسافر بعيد ابلا قصيدة حب ، يموت ابحسرة الملگه
مثل حلم الغريب ايريد من خصر الوطن شبگة
مثل نثية أو خذاها الليل ما تدري العمر شيريد ؟
ما تدري الكله التفاح شاعر جايها امن ابعيد !
ما تدري الوطن كلما كبر گلبه الضحايا اتزيد !
عبد الوهاب الحمداني
رد مع اقتباس
