هنا

[فقار الكرخي]

دگ ناقوس خوفي وجفلت طيوفي
نار بنار طگ وماعت سيوفي
عثر ممشه الحلم ماوجد بيا عين
ذب تابوت روحه وعافني بخوفي
شلت عيني ادور بالضلام اوجوه
گد نهر الحنين اليجري بجفوفي
مانه من اول الدنيه غصن ذبلان
زنجر ماي شطي وطگت جروفي
وكبر خوفي
وبتت ويه الصبر والناس راس براس
لاطخيت راس ولنكسر شوفي
وكبر خوفي
وعرفت اشبيه مابيه
وعرفتك من هذاك اليوم مرجوحت لعب وياي
مرجحني
انه بروحي لعب واطفال ترگص
لو رگص وجه الگمر بالماي وتغني
مرجحني
بعد روحي غشيمه وتنگل الخطوه اعله سجت خوف
گد وحشة رغبتي وگد حلم دنياي مرجحني وعلمني
علمني
اسوي من الفياي افياي
وارسم لليطوف السان
علمني اصلي بصوت روحي
بغير صوت اوذان
علمني اوادد كل گلب مغشوش
وارسم للطيور اعشوش
وانطي الغابه للأنسان
يل تارس عيوني طيوف جذابه وسهر واوهام
يل ماشي اعله خاصرة الضوه ابروحي اصابع جام






غانم الفياض

[انثى مخمليةة]

لطالما كانت مواضيعك متميزة

لا عدمنا التميز و روعة الإختيار


دمت لنا ودام تألقك الدائم