هنا

[فقار الكرخي]

عگلي اصبح تايهات افكاره
مثل طفل ال يلعب ابفرّاره

يلعب ابفرّارته صبح اوعصر
تاه فكري ياخلگ شنهوالبصر
رايح ابوسط الگمريبني قصر
او يزرع ابهام الثريّه اشكاره

گتله بنيانك يعگلي ما يفيد
ايريدله اچبنتواوطابوگ اوحدید
والگمر عن الارض وايد بعيد
گال كلّه اتوصّله ال طيّاره

گتله عن اشكارتك ارد اسئلك
بيش تحصدگال يحصدهاالملك
والدياسه ايدوسها چرخ الفلك
والهوى ايذريها لي ابمخواره

گتله یا عگلي يكامل يا ثجيل
گمت تمشي ابغيرعرفه اولادليل
انته فاهم بالشعر مالك مثيل
يا هو مثلك شايعات اشعاره

گال شارد من اهل هاذ الزمان
لا وفه عدهم و لا بیهم امان
شفت كل الناس تمدح بالجبان
والشجاع انمحت كل اخباره

شفت عند الناس صار الزين بد
شفت صار الولد بت والبت ولد
شفت ابو اخميس من الارنب لبد
شفت عتوي او شارد امن الفاره

شفت ابوسرحان مگیود الخروف
شفت المفتش ايدعّم ما يشوف
شفت الاعمه امحزّم اورايح يحوف
او كاض بيده خنجره او مگواره

شفت ابو اشلنبو على الكوسي دحم
شفت صار الفحم در و الدر فحم
شفت فوگ الگاع مصفوط اللحم
و السمچ متعلگ ابگنّاره

شفت گنفذ فوگ ظهره گصوره
او شفت آفه فارستها گنبره
شفت ابو الزمّیر لابس قندره
بل صبخ یمشي اوشايل كاره

شفت واحد بالبحر يزرع سلج
او شفت ثاني ابورده راسه منفلج
شفت ثالث يترش ابغالب ثلج
ايگول ينزر ارد احك ينزاره

شفت بومه ابذان لگلگ فرّخت
اوشفت رگّه نایمه فوگ التخت
شفت شاذي شد على الوزغه ابرخت
و ابصفحته امعلگ الغدّاره

شفت شجرت لوز بیها اعثوگ شیص
شفت هرّه امعلگه ابرگبت النیص
شفت قاضي اشريح لابسله قميص
اولته امن اسفيف كربه از راره

امحزّم ابچولان لیف اعمامته
امن الثلاث اثنین بیهم بس فته
راد ثالثهم ایقدّم شكوته
خاف منّه او نكر ذيل احماره

او بعد ابينلك و ادلّيك اشّفت
شفت كثره اشياء من عدهن خفت
الحگ نخیته اوگال انه اتچتفت
البطل منّي ايريد ياخذ ثاره

اتچتف الحگ بعد یاهو الیستراح
الزین معري و الغبر شايل اسلاح
سحگ عطب الصوف واتخربط اوطاح
اوگال عد بالي اعثرت بحياره

وانه من شفت الخطر اترد دّت
اشردت من واحد او عد ثاني البدت
گال سولف گتله انه اتهددّت
خلص صبري او ما شفتلي چاره

الدنیه صار اگبالها صوب النذال
اومایعرفون الحرام امن الحلال
چتّفت اهل الفصاحه والكمال
و العسر حبله عليهم داره

گتله یا عگلي صدگ حچیك صحيح
ما يعيش ابهل زمن بس الوكيح
انته تدري الدنيه گطعه ابیوم ریح
فانیه او ما تسوه گطف اجگاره

الغدر عادتها ولا الها دوام
لوهي زينه چان ما ذمها الامام
بيني او بين العگل طال المقام
او ياني واحد گال عندي ابشاره

گتله بشّر گال عاین للفضا
شوفه مضوي اتنوّر ابنور الرضا
ادخل الحفلات وانظم موعظه
الشخص لو مات الشعر تذكاره

الشعر تذكاره يضل طول الابد
انظم اتحصّل اجر من جد وجد
حجةالله اهدعش ذلقعده انولد
ابو محمد ضامن الزوّاره

ضامن الزوّاره لو چانوا الوف
والشفاعه انطاها له الرب الرئوف
ابومحمد میت حي مئوه الظيوف
من گدر يحصي عدد زوّاره

يا ملك راح او ترك ديوان اله
اظيوف والخطّار بسمه امسجّله
ثامن الیمّه الباري امفضّله
كنز علمه او حافظ الاسراره




للمرحوم الکبیر السيد صالح النزاري

[حہيہدر الہبغہداديہ]

عاشت الايادي دوم التالق
تحياتي