هنا

[فقار الكرخي]

بكَلبي شوك لمدري آلمن .

كَلبي عش بلا حمامه .

ما كو شي ، بس جويه سوده ...

من حبيب آسود كَلب ...

حاسبها شامه .
ناس راحوا من زمان ،

وبقت جويتهم علامه .

ناس ، عبرة وكت حبهم ،

راحوا وعطّب بنفسج روحي ،

ولسّه آكَلهم بالسلامه .

كَلوب ما بيها أمان ،

وكَلبي يحلم ،

جنّه ناسي !

كَلبي رف ، ما أدري اِلمن .

مدري وين يريد بيّه .

فوك يا شجره يحطني ،

بيا سما ، بيا نجمه سوده ،

بيا جزيره ، بيا غمامه ؟

شوك حار وموج بارد ،

هوه عالي وما كو مرسى ،

وكَلبي يحلم ،

عود يلكَاله بجرف دافي آبتسامه !

مدري لله ،

مدري للشيطان يلكَه الابتسامه .

اِي يكَلبي ،

ما يهم ، ويّاك آخذني ،

شفلة الحب يا نصيب .

بلكي نطلع بالسلامه .





عبد الكريم القصاب

[حہيہدر الہبغہداديہ]

عاشت الايادي دوم التالق
تحياتي

[انثى مخمليةة]

طرح رآقي وأنتقـــاء مميـــز ومجهود رائـــعالله يعطيكـ العافيه يااخـــي
لـروحكـ السعاده الدائمــه

[كبرياء شاع]

رووووووعه