جنـت اضحـك كَبـل ع الـي يحبــون
يجــر بالصفنـة اشوفة وبيهة حيران
ولابطــل حسـرتــة ودمــع العيــون
وهــز بيــدي وكــولن هــذا بطــران
وعلــي مَــر الـوكــت وتغيــر الكـون
وثبت حبــة اعلة كلبي بغير برهـان
فــرض عالكَلـب صـايــر يالتسمعون
اكضي الليـل حسبة وبيهه سهـران
ومــن ثكل الدمع مـــا احس بالعيون
ودمــع عينــي عليك ايغــذي نهـران
يــزعلنــي وأكـولــن انــي اراضــيـة
ويجيني ابكل صلافــة ايكلي غلطان
يجــذبنــي واصدكـــة وتصبــر الروح
وأذل روحــي واروحـن خــاف زعـلان
يكـرهنــي واحبــة واحســب جـروح
واروحــلــة ويــردنـي محمل احــزان
كمـت مـا اميز اني الشمس والليـل
واشك بروحي صاحي مدري سكران
تشوف ابظهـرك انتة اشكال النجـوم
لو سلطــان كلبك نـاسي الاحسـان
رد مع اقتباس
تقييمي