هنا

[فقار الكرخي]

تحملني الشمس منّه

واهي من اتغيب چف حنّه

ياما شكثر بالشده طفتلي اوجوه وانه ياما تعبتلها

يوج ليلي الگمر شمعه وتريده الناس بس الها

ناس اتريدنه بسد غيمهم نجمه

وناس اتحب تضحك اجروحنه ابلچمه

او وادم چان كل همها تزف روجه الچوالينه

وتحملنه ذنب هدمه

خل كلها تلم روجاتنه امن تفوت

المشحوف اذا نده ضحكته اتموت

لحصد ليلي من كل نجمه الكم بي

وابد ماهابه لو چلچل

الگمر من ينولد منجل

بده موسم سجي بعيني وتعب فلاح

غشيم اتكشمرت وي باب بايك ضحكته المفتاح

بوكت جانت رفاكه اهواي

منهدها اتأكدت شوف السراب اشكال مو بس ماي

رفاكه الباگت الضحكه ندهت دمعتي ابهيده

رغم مافرعت حزني انوّج للفرح صيده

وادم تنذر الشوفتنه جان انذور

او وادم بالله حلّفت زور مدري شبينها وبينه

روحوا ابريحكم نسمه تره طيحة سعفنه اعكال

باجر ماكو عتبه اتبات ولا نجمه تلوذ ابسد

اكشخ بالسمه الزركه واطرگ كل عبا هرّبد

واردن ضحكة الخلخال واخل روح الشريعه اترد
..



حيدر الكناني

[أستثنـآئيـّةة❤️]

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك