هنا

[إدريس]

كلمات راجعلـي رائد ابو فتيان | 2019
حنيــــت لو للـهو
تسأل على اخباري
اشتاكيتلي
اتندمت لو هيج بس للعب تتحارش بناري
أمن بعدني انجوي
واتشوفني شكد قوي
مرات ابجي بجرح
ومرات عالطاري
ومرات انطرك ثلج
وانا الشمس خصمي
لك والله اعشكَكَـ عشكـ
مو تجري وي دمي
ما شايفك من فتـت
بالدنيا كبلك صرت
بس جني من فتحت
شفتك كبل امي
يا ذُخر همي
اتجاوزتك وكملت
مجبر جنت
مو بطل
ليش استلذ بالنصر
و ادري اني مو نشمـــي
غصباً عليه عشت من انت مو يمي
كلت اعلى هجرك حلــو
وكالولي عفيه وكفــو
بس النتيجة شنو ؟
كدام ناسي الصدك
اني ربحت الحرب
بس اخسرت حلمي
بعدك لـ ياهو انحسب
لا موت من فركتك
لا عيش من دونك
وللـ يوم من تنذكر
اترس فراشي دمع
عندك بخـت لو هلي فطموني بعيونك ؟
محظوظ روحي تمل من عندي وتصونك !
ولليوم نوكع سوه
اني وبكَايه الكَــلب
لمن تخلي الشعر يوكع على متونك
وكلت انسى ويه الوكت
وفتره وي غيرك عشت
وجربت ما جربت هالوحدي ضليت
وين انت يمي ورحت !
فدواك ما طولت
واني عله ذمتك جنت
حبيت وانحبيت
وعاشرت عالعاشرك
وويه المايسوه اظفرك سويتلك ذكره
مو مثلي انطرك فرج
وناصي سياج السجن
بس اني ما اعبره
ارتاح
ماكو حضن يمه افتح العبره
وبيه الك ذاك البجي
بس صدرك اتبره
يالخوش تتبره
شحجي؟
وشعلم بعد هو الوفه شمره
وشقابض من الشكل
هذا انت وجهك حلو
بــس عشرتك مره
وليش اعتب ؟
انه وفي ..!
والناس موسم ضحك !
جان العشك بالكَلب
هسه العشكَـ فتره
هسه المحبه ركض ..
بـ اسبوع واحد تره
تتعارف
وتنحضن
وتتواعد
وتنخذل ..
والرايده تخسره
جيب اليضل ينتظــر ؟
بهذا الزمن تتفـق
لازم تحدد وكت
بي تنتهي بي العشره
ومعليك بالكلته !
سولفلي بالردته
راجعلي رجعــه صدك ؟
لو جيتك نقمـة
راجعلي ابو كلمة
لو راجع تجس قلب
وتطرد الناس الغرب
وبس بي اكعدك
ترد
هم ترفع الزحمه
مشي عليك البجــن
من فركَـتي تعلمــت ؟
لو بعدك الاولي بالشي الك شمه ..
والعافكَـ شحده
اسألني وانا اختصر لعيونك المده
طلع شعدك حجـي
عندي بجي بكده
الجذب
عفتك واحس طالعلي من شده
والصدك
حبك مرض ما طبت من عنده
والليل
الليل مو غوربت شمس الله ويه الكمر
الليل من ما تجي وطاريك يتعـده
والصبح
الصبح يطلع علي من اذب دمعي نده
بخدودك الورده
اتحبني؟؟
مو كل وكــت
مرات احسـكـ عدو
بس اختل بسده
تكرهني ؟
اي بالعقل ..
بس اني مثل الطفل
من شاف هجرك صدك
قلبه وكَف ضده
وبين الصدك والجذب
بضلوعي وكفاتك
وبطولك انت تجي ومتفحـه وجناتك
ما بيك شي مو طري
وانا افتر اعلى المري!
كلهن يصيحن بويه
الوكت فاتك ..
يا كلشي بالنسبة الي
عفتك بـ الف يا علي ..
ليش ارجع ادري صرت خارج حساباتك

[احمد العثمانيے]

ولليوم نوگع سوى
انا وبگايا الگلب
لمن تخلي الشعر
يوگع على متونك



شكراً إدريس

[إدريس]

ولليوم نوگع سوى
انا وبگايا الگلب
لمن تخلي الشعر
يوگع على متونك



شكراً إدريس

ولليوم نوگع سوى
انا وبگايا الگلب
لمن تخلي الشعر
يوگع على متونك



شكراً إدريس

شكرا على مرورك حمودي الترف

[انثى مخمليةة]

كَلَّمَـےـاتِـ جميله


شكرا ادريس

[sawsanmahmoud]

شكرا ادريس

[إدريس]

شكرا على مروركم

[ميمـ♥̨̥̬̩]

شكرا للنشر

[فقار الكرخي]

عاشت ايدك

[ملكةه]

شكتبها لك

مبدع ابو ود ربي يحفظه


وشكرا لك ...

[تّـفـاَصيلـٓ]

اتحبني؟؟
مو كل وكــت
مرات احسـكـ عدو
بس اختل بسده
تكرهني ؟
اي بالعقل ..

.......
يا كلشي بالنسبة الي
عفتك بـ الف يا علي ..

كلش حبيتها
شكرا ادريس