ماريد شعرك كون گلبك شايب
الليله مرلي بغيرهه يصير عتاب
لو حلم مرلي وداعتك ماعاتب
كلش قريب لعيني بس ما تنشاف
مو حلوه من تصير مثل الحاجب
فانوس اعرفك دوم گلبك محروگ
وكل طاري گمره لخاطرك ماجايب
عايش ابالي اوين ماروح تروح
وياي روحك وانت كلك غايب
لمن يشيب تنعرف نيته الماي
ماريد شعرك كون گلبك شايب
زغير وضگتك خمر يا ذنب صباي
من طعمك اچذب لو گلتلك تايب
الدنيا مَره لهالسبب مْره تصير
فص ملح عمري وبالمكابر ذايب .
سجاد عبدالزهره
رد مع اقتباس
