هنا

[فقار الكرخي]

مساجلة أهازيج بين الشاعر فالح جهاد أختار السماء
والشاعر محمد عسكر أختار الأرض



............السمه........................
١- أنه الزرگة المعليه أو مضرب الأمثال
فوگ الروس دوم أو عشت عال العال
روح أنشد كلام الباري عني أشگال
كلما حشمتوه الشوف يرد يتحسر

............الگاع............................
٢-لونك من تغيره الناس كلها تخاف
والبصفك يضيع وبعد ماينشاف
شكثر فقرة بسوادك بالسلف تنحاف
أعلومي أفضل من عندك فوگي وحدري تعيش الناس

....................السمه....................
٣- كون البشر عندك عندي طير الصاف
أنت أفراشهم تنداس وأنه الحاف
لوني من أغيره ترعب وتخاف
أعليك من أرعد ومطر يعرگ ويهك وينز ماي

....................الگاع.................... ...
٤- اليرفع راسه الك يوگف على أجتافي
وطيرك فوگ صدري بكل وكت غافي
أطعن روحي للعطشان حتى أطلع نبع صافي
الگاعد فوگي أمأمن ماهدته وگتله أتطيح

...................السمه..................
5- أنه الطرزن صدري الگمر والنجمات
ومن چفي الزلازل بيك گصايات
اليغفن فوگ صدرك ذني مگرودات
الگنبر بيك أيلگط وأنه بحضني طيور الصاف

...................الگاع..................... .
٦-لو ما أنه أبد ماوصل ليك الماي
أنه لگمة فقير ودرب للمشاي
ماأمدح بروحي أفضالي أنه هواي
بروحي مخضر عنبر ماكشمت بوجه الجاي

...................السمه.....................
7- أحذرك على سيادك موش تتعده
ماحاسب أحسابك دوم بالهده
أنه وياك مثل الكسره والشده
اليحچي وياك أيدنگ والحاچاني أيشيل الراس

...................الگاع..................... .
٨- من بطني الذهب طالع الحلگ الناس
وأنه الفوگ راسي شايل العباس
صلب مرات أصير أو أبد ما أنجاس
علوم العندي تشيم جفي گبالك شايل نار

..................السمه...................
٩- أنه الخير عندي والهوى والماي
الفقير عيون اليه أمتاني چف يمناي
شوف الخير بيمن ياسديد الراي
أنت من يمولح ويهك ويهي اليفزع ليه

.................الكاع.....................
١٠- نعرفت أنه گبل لاتنعرف أنته
العالم هذا كله أعله الجتف شلته
أنه مصدر سعادة الملح ماخنته
الماي الوحده يفشل مايسواش بدون العيش

....................السمه.................
١١- بهاي أعترف گبلي الباري من سواك
ولكنك مكشف بيه رد غطاك
عشت عمرك تجدي وأنه أگلك هاك
الحر لو نشف مايك تتوسلني أبنگاطات

...............الكاع.......................
١٢- أهل البيت كلهم ناموا بحضني
والتعبان يوگف لو نوه يكضني
النخل گلت أنه شامه وماگلت رضني
ماعاتبته وگتله شبيك عيوني تصب وأتكبر

[انثى مخمليةة]

كلش حلووه