الف اسم الله على الفقره
الْفجر ...وَي طرة الْفجر
اكَعد عَلَى اعْتَاب الْرَّصِيْف
انْتَظَر وَاحِد يمن
وَانْتَظِر وَاحِد يحِن
وَانْتَظِر دِيْنَار وَاحِد مِن حَلَال
مِن ايِّد مَسْتُوْر وَعَفِيْف
وَانْتَظِر رَحْمَة الْبَارِي
يَهْدِي كُل وَاحِد شَرِيْف
ينْطي خُبْزَه لِلْيْتَامِه
ويَكْتّل بِرُوْحِه حَرَامَه
ويشيل عَار جِداوتِي...بِثُلَمة ارغِيف
مَرَّت الْعُمَّال غبشه
وَانّي يَاخذنِي الْحِيّه...وَتَاخذْنِي رَعْشَه
وتَصير نَظَرَات الْزلم بِضُلُوْعِي سيْف
وَمَرّت اوْلَاد الْشَّوَارِع
وَاحِد يصَفِّر عَلَيْه
وَوَاحِد بِشَّهْوه يباوَع
تَدُوْر دِنْيَاي وَاذوبِن
وَانْتَجي اعْلَى الْرُّوْح
يَارُوْحِي التجالِع
يمر وَاحِد وَيَمُر ثَانِي
ويمُر ثَالِث ويجِي رَابِع
كُل فَرْد مَشْغُوْل بِقَضِيته
بَس قَضِيَّتَهُم ويِاي؟؟؟
مِنِيْن مادور الْوَجْه كُلِّهَه تطَالِع
لّيّش يَادْنِيْه شَجَنَيت
شِنْهُو ذنْبِي لِان فَقْرَه؟
الْعَوَز ماخِذْنِي اعْلَه بَابج
وننْزَع اميَّة اكِصَصنه
وَانْتَظِر ثُلْمَة خُبْز هِي الّنِهَايَه
يّازِمْن كِلِّك حزْن
شَاعِر ويعْزِف بِنَايَه
انّي حُلُّوْه ....شكْد جَمِيْلَه وكُلِّي ايَه
مَرْتَبَه وينَحلف بِيَه
وَلَاعبَاتِي انَكَّلت سايَه
انّي مِن يحجُّون عَنِّي...
بِيِرَغ وَرَايَة وِلَايَه
بَس شَسَوُي....
الْفِكَر ماخِذْنِي غَصب
وَيافكر هَذَا الَّعشْكِنِي..
الْفِكَر شَاتلْنِي ثايِه
الْمُهِم
رَدَّيْت الْعَصْر
خَايِبِه وَمشتَعَلَّه نَار
ردت اسَّوِّي رُوْحِي خُبْزَه
وَاطْعِم اخْوَانِي الزْغَار
الْف اسْم اللَّه عَلَيْه
وعَلَى اخْوَانِي
وعَلَى الفَقره
وعَلَى جَارِي الْمَارْحَمنِي
شَلُّون جَار!
وَعَلَى كُل وَاحِد اخَذ مِنِّي بِلِسانه
وشِفه كَلْبَه مِن فْكُرْنّه وَاخَذ ثَار
وَالَّف رَحمَه
عَلَى شَاعِر صدح صوْتَه
وبِرصاص الْجُبْن خَار
وَالَّف رَحمَه عَلَى الْدَنِيه
لمَن صَارَت كُلِّهَه لَيْل
وَابْد مَاصَارَت نَهَار
للشاعر مناضل الناصر
رد مع اقتباس
