المشكلة العظمى اللي تواجه المدرسين كثرة العطل بالعراق واللي تخليه يريد يكمل المادة بالوقت المحدد والمنهج ضخم وبالتالي اتمر المادة ع الطالب بدون مايفهم شي..المشاركة الأصلية كتبت بواسطة Mohammed K.F
عن نفسي ابرأ ساحة المدرسين، فكل المدرسين اللي اعرفهم بذلوا جهد مو قليل وقاموا بواجبهم باكمل وجه فقط من اجل رفع مستوى النجاح لدى الطلاب..
فالمدرس ماله دخل بهاي الكارثة التعليمية
هذا اللي اعرفه
شكرا محمد للمشاركة
عاشت ايدج بس بالنسبة للنقطة الثانية لو تعمل الوزارة دورات تدريبية وتطويرية للمدرس بالعطلة مثلا حتى يواكب التطوير الحاصل بالكتب المنهجية چان حلينا هالمشكلة ..اتصدگين اكو تمارين بالرياضيات المشرفين نفسهم بگروباتهم يحاولون يحلوهاوماتنحل؟ اللي جاي يصير تقام دورات واثناء الدوام وبالتالي يتأخر بالمادة مع طلابه..نقطه لوخ الدورات اللي تقام للمدرسين بدون تهيئة لا اكو منهج مخصص يمشوون عليه ولا شي مجرد اي متبرع من المدرسين يلقي محاضره بصورة عامة وكلمن يروح لبيتهم..هلاو
اولاً ، الطالب : مانعذر الطالب لان هوااي طلاب مهملين بالدراسة بسبب هواي امور ومن ضمنها الملهيات الموجودة بالوقت الحالي
ثانياً ، المدرس : وهذا سبب كبير بهاي الكارثة هواي مدرسين مو بالمستوى المطلوب ، بالاضافه الى عدم اهتمام المدرس بعذر " كولهم داخلين خصوصي "
ثالثاً ، قلة الابنية المدرسية : اكيد هذا هم سبب ، لان اعداد الطلبة هم اله تأثير ع استيعاب الطالب
رابعاً ، المناهج : وهم اكيد الها تأثير لان المناهج مااحسها مناسبة لأعمارهم ، يعني انا لما طبقت ع الثاني متوسط شفت معلومات اني بالكلية تعرفت عليها !!
خامساً ، صعوبة الاسئلة : هاي الوحيدة اللي مااعتقد ادرجها من ضمن الاسباب ، ممكن تكون سبب للطالب اللي مامتمكن من المادة بصورة جيدة ، ف ح يعاني هواي مواضيع فايتته ، مواضيع مافاهمها ..الخ ...
وبالتالي سبب مرتبط بسبب والنتيجة هاي الكارثة ، مع الاسف ..
بس نگول اكو عدد ممكن حتى يكون كبير ناجح ف يعني نضغط ع الطالب شوي ، لان ماننكر نشوف طلابنا شلون حالهم بالدراسة لازم الكتاب وباله مو يمه اصلاً
شكرا للمشاركة اسرار
شكرا زهراءشكراً ست سوزانا لطرح هالموضوع ، موضوع كلش مهم يمس العائلة و خصوصاً اللي عنده طالب بالثالث المتوسط مثل أخوية اللي تعبنه عليه و كثير من الطلبة يمكن نفس التعب و نفس الارهاق بالنسبة للطالب و عائلة الطالب ، أنا بنفسي كنت أعوف امتحاني و أسهر وي أخوية لساعات الصباح ، مع ذلك طلع مكمل بدرسين ،،
أما بعد فأحمل الطالب نفسه أولاً مسؤولية رسوبه لأنه بنفس المناهج اللي احنه درسناهه دخل و امتحن لكن بنتائج مخزية جداً فقط الاختلاف هو مادة الرياضيات و العربي .
أما المسؤول الثاني فهو تغير المناهج .
اللي صار هو تغيير غير مدروس في ترتيب المواضيع مما ادى الى انتاج مناهج صعبة الفهم بالنسبة للطالب ..
و خصوصاً في مادتي العربي و الرياضيات (في الحقيقة مناهج مخزية لا تتوالم مع طبيعة التدريس في العراق ).
المسؤول الثالث و الأهم هو مدرس المادة اللي مهمته هي ايصال الفكرة للطالب بشكل او بآخر و ليس الاستعجال بأخذ المادة حتى تتم في اسرع وقت ، و الحقيقة أستفسرت عن هالشيء من أخوية اللي بديت أدرسه للدور الثاني و أوضحلي أن مدرس -مادة الرياضيات -يترك تماريناً على عاتق الطلاب
فقط للسرعة (بعض المدرسين و ليس أغلبهم)
و شكراً
اكيد يترك حتى يلحگ يخلص ضمن الوقت المحدد وماشاءالله على طلابنه هو يجي 1/4وكلمن يروح لبيته علاساس يقرون..
هسه الثالث هيج نتائج السادس اشلون راح تصير
صحيح متابعة ماكو او الاب مايگدر لابنه والمدرس هم مايگدر للطالب لانه ماعنده صلاحيه حتى يحچي ويه الطالب غير يعاقب بالدرجات والطالب بكل حال داخل 3دروس وعشر درجات...والله مشكلة
شكرا لرأيك
اسباب الرسوب .. كَثيره ..
ولكن انطيچ سَبب واحد من هاي الأسباب ..
السبب هو .. الطالب اتشوفينه امبحلق 24 ساعه على الإنترنت ..
ومايدري بالدنيا طَشت .. رشَت .. يعني مايقره ابصوره صحيحه ..
( امنين الله جابلنه الإنترنت .. وخله اوليداتنه ايرسبون ) ..
شكراً لكِ على الطرح ..
با لأضافة لما قاله الاخوة الكرام
أسئلة هذا العام فريدة من نوعها ولا يمكن مقارنتها بأسئلة المراحل السابقة بسبب طولها وتعقيدها ،
وجعلت من الطالب يعيش في دوامة مفرغة خلال فترة الامتحانات ،
إذ أثرت على نفسية الطالب مما جعلته يتخبط بالإجابة فضلاً عن إعطاء الدفتر الامتحاني خالياً من الإجابة"
خصوصآ اللغتين العربية والانكليزية".
انا اود بطرح السؤال على وزير التربية ، هل الاسئلة المطولة والمبهمة والمعقدة تتناسب وحجم المعاناة التي تعيشها شريحة الطلبة؟!.
إننا لا نستحق الدخول في متاهات خلال فترة الامتحانات كون الظروف التي تعيشها البلاد مازالت تلقي بظلالها على الواقع التربوي والتعليمي ،
مما يجعل المسؤولين وأصحاب القرار في موقع المسؤولية للالتفات الى مثل هكذا ظروف وعدم غض النظر عن حقوق الطلبة ولو على الأقل في وضوح الأسئلة وطريقة طرحها".
وتعترض العملية التربوية في العراق العديد من العقبات أبرزها قلة الدوام المزدوج في العديد من المدارس وتزاحم عدد الحصص الدراسية على المدرسين
وقلة الخدمات المقدمة في المدارس كانقطاع التيار الكهربائي والماء إضافة إلى فقدان عدد من الكتب المنهجية وحداثتها .
شكرا
شكرا محمد للمشاركة
اوووف وشنو الحلول احمد شنو نگدر نسوي علمود نلكى حل لهالمشكلة؟تدري اليوم بچيت من شفت مدرسة رياضيات وياي تبچي على ابنها الراسب ومن ضمنهن الرياضيات ؟ جان موقف حزينبالنسبة لي فأن التغييرات الايدلوجيه للجيل الجديد وتفشي
العاب الحديثه والمتاحه الاون لاين وعدم معرفة الاهل مسك
زمام الامور لولدهم ادت الى هذه النسبة بشكل كبير ، كذلك
تتغير المناهج والحالة النفسيه للطالب وسن المراهقة في ظل
كل هذي التحديات العصريه .. كل الود
بالضبط كلامك تمام خصوصا الفقرة اللي اتخص الوزارة
المسؤول عن هذاا شي هوو حكومتنا الفاسدة لان محطمين الطلبة بتصحيح اهوااي طلبة شاطرين درجاتهم جايه بال٧٠و٦٠ ... حتى اني بنت عمي كالت مجاؤبه زين وجايتها واكعه .. صح اكو تقصير بالطلبة هم بس السبب الاؤل والأخير هو حكوومة
رد مع اقتباس
