هلا
حديث الشارع العراقي اليوم هو حالة الرسوب الفضيعة لطلاب الثالث المتوسط..
اليوم اغلبية اولياء الامور خاب ظنهم بابنائهم وبالعملية التعليمية ..وحسب التربية النيابية(( نسبة الرسوب أكثر من الاعوام السابقة، مما أدى إلى صدمةٍ كبيرة للشارع العراقي))..
والله اعرف ناس دگوها مناحة وبچي للصبح همه واولادهم مع العلم مستوياتهم جيدة نسبيا برأيكم، من يتحمل مسؤولية هذه "الكارثة التعليمية": الطالب - المدرس - قلة الأبنية المدرسية - المناهج - صعوبة الاسئلة؟
كلهم مسؤلين
عن نفسي ابرأ ساحة المدرسين، فكل المدرسين اللي اعرفهم بذلوا جهد مو قليل وقاموا بواجبهم باكمل وجه فقط من اجل رفع مستوى النجاح لدى الطلاب..
فالمدرس ماله دخل بهاي الكارثة التعليمية
هذا اللي اعرفه
هلاو
اولاً ، الطالب : مانعذر الطالب لان هوااي طلاب مهملين بالدراسة بسبب هواي امور ومن ضمنها الملهيات الموجودة بالوقت الحاليبرأيكم، من يتحمل مسؤولية هذه "الكارثة التعليمية": الطالب - المدرس - قلة الأبنية المدرسية - المناهج - صعوبة الاسئلة؟
ثانياً ، المدرس : وهذا سبب كبير بهاي الكارثة هواي مدرسين مو بالمستوى المطلوب ، بالاضافه الى عدم اهتمام المدرس بعذر " كولهم داخلين خصوصي "
ثالثاً ، قلة الابنية المدرسية : اكيد هذا هم سبب ، لان اعداد الطلبة هم اله تأثير ع استيعاب الطالب
رابعاً ، المناهج : وهم اكيد الها تأثير لان المناهج مااحسها مناسبة لأعمارهم ، يعني انا لما طبقت ع الثاني متوسط شفت معلومات اني بالكلية تعرفت عليها !!
خامساً ، صعوبة الاسئلة : هاي الوحيدة اللي مااعتقد ادرجها من ضمن الاسباب ، ممكن تكون سبب للطالب اللي مامتمكن من المادة بصورة جيدة ، ف ح يعاني هواي مواضيع فايتته ، مواضيع مافاهمها ..الخ ...
وبالتالي سبب مرتبط بسبب والنتيجة هاي الكارثة ، مع الاسف ..
بس نگول اكو عدد ممكن حتى يكون كبير ناجح ف يعني نضغط ع الطالب شوي ، لان ماننكر نشوف طلابنا شلون حالهم بالدراسة لازم الكتاب وباله مو يمه اصلاً
شكراً ست سوزانا لطرح هالموضوع ، موضوع كلش مهم يمس العائلة و خصوصاً اللي عنده طالب بالثالث المتوسط مثل أخوية اللي تعبنه عليه و كثير من الطلبة يمكن نفس التعب و نفس الارهاق بالنسبة للطالب و عائلة الطالب ، أنا بنفسي كنت أعوف امتحاني و أسهر وي أخوية لساعات الصباح ، مع ذلك طلع مكمل بدرسين ،،
أما بعد فأحمل الطالب نفسه أولاً مسؤولية رسوبه لأنه بنفس المناهج اللي احنه درسناهه دخل و امتحن لكن بنتائج مخزية جداً فقط الاختلاف هو مادة الرياضيات و العربي .
أما المسؤول الثاني فهو تغير المناهج .
اللي صار هو تغيير غير مدروس في ترتيب المواضيع مما ادى الى انتاج مناهج صعبة الفهم بالنسبة للطالب ..
و خصوصاً في مادتي العربي و الرياضيات (في الحقيقة مناهج مخزية لا تتوالم مع طبيعة التدريس في العراق ).
المسؤول الثالث و الأهم هو مدرس المادة اللي مهمته هي ايصال الفكرة للطالب بشكل او بآخر و ليس الاستعجال بأخذ المادة حتى تتم في اسرع وقت ، و الحقيقة أستفسرت عن هالشيء من أخوية اللي بديت أدرسه للدور الثاني و أوضحلي أن مدرس -مادة الرياضيات -يترك تماريناً على عاتق الطلاب
فقط للسرعة (بعض المدرسين و ليس أغلبهم)
و شكراً
بالنسبة لي فأن المدارس العراقية هي أماكن للحفظ ليس للتعليم والطالب الجيد هو من يقدر على حفظ جميع المعلومات وليس فهمها لذلك يجب جعل المواد مواد تطبيقية وليست شرحية وخاصة مواد كالفيزياء والكيمياء.
ومن اسباب الرسوب أيضاُ كثرة الملهيات وعدم متابعة الأب وخاصة من مرحلة الأبتدائي لأن الطالب أذا تعلم على الدراسة وتنضيم وقته بالابتدائي فسيكون ذلك روتين له يتعود عليه ولن يواجه صعوبة في بقية المراحل.
وهناك بالطبع اسباب أخرى من ضمنها المدرسين حيث يعمدون الى الشرح السريع لأجبار الطالب على دخول الخصوصي.
الطالب المذنب الوحيد بسبب اهماله وبوجود وسائل الترفيه والبوبجي المدرس ميتحمل خطا طالب مهمل
بالنسبة لي فأن التغييرات الايدلوجيه للجيل الجديد وتفشي
العاب الحديثه والمتاحه الاون لاين وعدم معرفة الاهل مسك
زمام الامور لولدهم ادت الى هذه النسبة بشكل كبير ، كذلك
تتغير المناهج والحالة النفسيه للطالب وسن المراهقة في ظل
كل هذي التحديات العصريه .. كل الود
شكرا ع المشاركةالمشاركة الأصلية كتبت بواسطة ❀aşk çiçeği❀
التعليم عدنا بالعراق عبارة عن ... حقن معلومات في رأس الطالب
وبمناهج تحتاج الكثير من التهذيب .. والترشيق ..
اضافة الى واقع البنايات المدرسية اللي الكل تعرفه واللي به البنايات ما تصلح ان تكون حضائر مواشي .. مو مدارس
تقبل الطالب النفسي .. للمدرسة والتعليم .. تقبل سلبي .. لذلك عنده يوم عيد من تصير عطلة .. هذا يكشف انه عنده نفور .. وهذا النفور عامل نفسي مهم
المدرسين والمعلمين ... ايضا يساهمون بهذا النفور ... وما مبرئين من المسؤولية
الوزارة كجهة مسؤولة ..... هي جهة غبية بامتياز ... ومتخلفة .. وابسط مثال على هذا الشي ان الوزارة ما عندها تقويم محترم للعام الدراسي بدليل ان امتحانات الدور الثالث التكميلية تتم اثناء العام الدراسي الجديد .. بحيث طالب السادس الابتدائي او الثالث المتوسط اللي ينجح ينتقل لمرحلة دراسية جددة بعد مرور شهر من الدوام ... فيجي لمرحلته وقد فاتته مادة كثيرة ..
نضيف بعد شغلة ثانية ... الوزارة تمنح درجات القرار بلا وجع قلب للطالب اللي مستواه ضعيف .. في حين الطالب المتميز .. هاملته بدون اي اهتمام .. مثلا موضوع الاعفاء اللي تم الغاءه ..
والحجي هواي
رد مع اقتباس