هنا

[❀aşk çiçeği❀]

هلاو شلونكم
عندي سؤال هواي يخطر أبالي
الروح هم تشعر بالالم مثلنا ام لا زين اذا الروح تشعر بالالم شنو الحكمة انو الله يستدعيها برفقة الجسد
زين بعد ما الله بيوم القيامة يبن نهاية كل شخص واذا كان احد الاشخاص حكمة الجحيم الله رح يعذبه برفقة الجسد ام يرجع جسده مثل مكان بالقبر
سؤال لخ....
الالم من الغرائز البشرية او الحياتية هل هي مرتبطة بالروح ام بالجسد اذا بالروح الله خالقنا من روحه فشنو الفرق وليش بس احنا نحس بالالم
يسترسلي سؤال أخرى..الله هم يشعر ملثنا أم هو منزه حتى عن ذلك ولو كان منزه اكرر سؤالي أعلاه
بالقبر الله يعاقبنا بهئة أرواح ام برفقة اجسدنا
وشكراً

[Casanova]

اول شي انتي طرحتي اكثر من سؤالين مو بس سؤالين فراح اتدرج وياج بالتسلسل ابدي وياج بسؤالج الاول
اولا توضحي قصدج الارواح تشعر بالالم لو الانفس؟
لان اكو فرق بين النفس والروح ! فقصدج النفس لو الروح؟
اذا قصدج الروح فلازم متعرفين معناها حتى تعرفين تشعر بالالم لو لا
فالروح شنو هية ؟
قال الحق بسورة الاعراف اية 54 ( الا له الخلق والأمر )
فالخلق هو المادة والأمر هو كل الطاقه الموجودة بالكون واللتي تخص الله وحده سبحانه
لماذا؟ قال الحق ( لا قوة الا بالله )
فمعنى الأمر : هية كل القوة وكل القدرات اللتي يحتفظ بها الله لذاته الكريمة
لكن مامعنى الروح؟ الروح هية جزء بسيطة وصغير من " الأمر " !
مثلا انتي تكولين احنا عدنا كهرباء ابيتنا وهاي الكهرباء من محطات توليد الكهرباء الضخمة برة البيت !

فمثل ما كال الحق : ( ويسألونك عن الروح قل الروح مـــِن أمر ربي )
اذا هية جزء من قوة الله " الأمر "
هاي معنى الاية مو معناها يعني اسكتوا لتدخلون ومالكم علاقة الروم يم الله ..لا مو هيج معناها لان ( مــِن ) للتبعيض مثلا ( أخرجت من 10 دراهم درهم ) يعني طلعت من هاي ال 10 درهم واحد
انتبهي كلما تورد كلمة الروح تجي وراها كلمة " أمر "
مثل ماكال الله تعالى ( واوحينا اليك روحا مــِن أمرنا )

وهذا معنى الروح بكل بساطة وهية تختلف عن النفس وترتبط بالنفس ويشتغلن سوية
الروح طاقة اخذيها بهالبساطة

هسة كبداية افتهمتي هالكلام؟ لو عندج اشكال؟ حتى اكملج واكلج شنو معنى النفس وبعدها راح تعرفين تشعر بالالم لو لا
وهذا بالنسبة لسؤالج الاول

[❀aşk çiçeği❀]

اول شي انتي طرحتي اكثر من سؤالين مو بس سؤالين فراح اتدرج وياج بالتسلسل ابدي وياج بسؤالج الاول
اولا توضحي قصدج الارواح تشعر بالالم لو الانفس؟
لان اكو فرق بين النفس والروح ! فقصدج النفس لو الروح؟
اذا قصدج الروح فلازم متعرفين معناها حتى تعرفين تشعر بالالم لو لا
فالروح شنو هية ؟
قال الحق بسورة الاعراف اية 54 ( الا له الخلق والأمر )
فالخلق هو المادة والأمر هو كل الطاقه الموجودة بالكون واللتي تخص الله وحده سبحانه
لماذا؟ قال الحق ( لا قوة الا بالله )
فمعنى الأمر : هية كل القوة وكل القدرات اللتي يحتفظ بها الله لذاته الكريمة
لكن مامعنى الروح؟ الروح هية جزء بسيطة وصغير من " الأمر " !
مثلا انتي تكولين احنا عدنا كهرباء ابيتنا وهاي الكهرباء من محطات توليد الكهرباء الضخمة برة البيت !

فمثل ما كال الحق : ( ويسألونك عن الروح قل الروح مـــِن أمر ربي )
اذا هية جزء من قوة الله " الأمر "
هاي معنى الاية مو معناها يعني اسكتوا لتدخلون ومالكم علاقة الروم يم الله ..لا مو هيج معناها لان ( مــِن ) للتبعيض مثلا ( أخرجت من 10 دراهم درهم ) يعني طلعت من هاي ال 10 درهم واحد
انتبهي كلما تورد كلمة الروح تجي وراها كلمة " أمر "
مثل ماكال الله تعالى ( واوحينا اليك روحا مــِن أمرنا )

وهذا معنى الروح بكل بساطة وهية تختلف عن النفس وترتبط بالنفس ويشتغلن سوية
الروح طاقة اخذيها بهالبساطة

هسة كبداية افتهمتي هالكلام؟ لو عندج اشكال؟ حتى اكملج واكلج شنو معنى النفس وبعدها راح تعرفين تشعر بالالم لو لا
وهذا بالنسبة لسؤالج الاول

ايي جنت اقصد النفس...زين يعني الله مو نفس انما روح عبارة عن طاقة حسبت مفهمت منك!

[Casanova]

لا الله مو طاقة وماكتلج نفس همين
كلتلج الروح تختلف عن النفس تماما واطلاقا
بالنسبة لسؤالج الجديد اجاوبج عليه بس لازم تركزين شوية على استفسارج الفوك
بالنسبة لله الحق تسالين انتي تكولين هوة نفس لو شنو
الله وسبحانه وتعالى ليس له نفس بالمعنى المعروف عدنا !
يعني من كال عيسى عليه السلام بالقران ( تعلم ما في نفسي ولا أعلم ما في نفسك )
مو معناه الله وسبحانه وتعالى عنده نفس .. لان عيسى بن مريم ما كالها بالمعنى المدلولي جان يقصد يعني ( أنتَ تعلم ما اخفيته عنك ولم اتكلم به ولا اعلم مافي نفسك أي لا استطيع ان اعلم أي شي اخفيته عني ) جان هيج قصدة مو كلام مدلول
فالنفس الالهية معناها ما اخفى الله علينا من علوم ومشاهدة هذا هو معنى النفس بالنسبة للخالق ..
والدليل ؟ قال تعالى ( كـُل نفسٍ ذائقة الموت )
فالله وسبحانه وتعالى يكول بقرانه الكريم كل نفس راح تموت والله سبحانه وتعالى حي لا يموت
فهمتيني هسه بهاي الفقرة؟ حتى اوضحلج شنو معنى النفس البشرية وشلون تصير بالانسان بحيث يكوم يشعر ويحس ..

[أكرم.]

الله ما معروف
يعلو ويسمو عن الجنس والكينونة
ليس له شبيه
لم يلد ولم يولد
النفس بيهه انواع
الروح تتعذب
وتتالم
والنفس همين تتعذب وتفرح
كل شي موجود بالكون عدى الله هو عبارة عن طاقة
كل شي موجود بالكون يتحرك سواء حركة كبيرة انتقالية او حركة صغيرة نانوية جزيئية
وهذا كله يحتاج الى طاقة

[ضياء المالكي]

الجسد يبلى وينتهي بنهاية الروح في الدنيا .. وعندما تنتقل الروح الى عالم القبر
تنتقل دون الجسد
ولكن في يوم الحشر (يوم القيامة) الله يبعث الارواح مع الاجساد كلاً بجسده
وتعاقب الروح والجسد معاً للعاصين وتنعم الروح والجسد للمؤمنين

الألم شيء شعوري مرتبط بالروح عذاب القبر يختلف عن عذاب يوم القيامة
لانه عذاب القبر يسلط على الروح فقط ومع ذلك يشعر الانسان بالالم
اما عذاب يوم القيامة بالرغم وجود الجسد لكن الالم يبقى شعور مع الروح

بسكون لارا ماتجي هنا هسه تفسقني ودكلي انت شمدريك جنت وياهم